داعش منسوبو ۱۵ نفر توتوقلاندی
داعشه قارشی عملیاتدا آرالاریندا هؤرگوتون سؤزده یوکسک وظیفه‌لی یؤنه‌تیچیسینین ده اولدوغو ۱۶ نفر یاخالاندی
سوریه‌نین قوزئیینده ترور هؤرگوتو داعش منسوبو ۱۵ نفر توتوقلاندی.
الباب یئرلی گۆونلیک گۆجلری، غازی آنتپ ژاندارما قوموتانلیغی سوریه گؤره‌و گۆجونون دستگی ایله ائلچه‌ده‌کی داعش حجره‌لرینه قارشی عملیات تشکیل ائتدی.
عملیاتدا آرالاریندا هؤرگوتون سؤزده یوکسک وظیفه‌لی یؤنه‌تیچیسینین ده اولدوغو ۱۶ نفر یاخالاندی.
آیریجا، ۴ سلاح، ۸۵ فیشنگ و چوخ ساییدا دیجیتال سند اله گئچیریلدی. شوبهه‌لیلردن ۱۵ نفری توتوقلاندی.
اؤته یاندان، ایچ ایشلری باخانلیغی، وان‌دا ارن قوشاتما پاییز-قیش-۲۵ عملیاتینین باشلادیلدیغینی بیلدیردی.
باخانلیقدان وئریله‌ن آچیقلامادا، بؤلوجو ترور هؤرگوتو پ‌کاکانین اؤلکه گوندمیندن چیخارماق و بؤلگه‌ده اولدوقلاری دگرلندیریلن تروریستلری ضررسیزلشدیرمک آماجی ایله وان‌دا باشلادیلان عملیاتدا، ۴۸۰ پرسنلین وظیفه آلدیغی قید ائدیلدی.
آچیقلامادا، اؤلکه ایچینده ترورون تامامیله آرادان قالدیرماسی اوچون حیاتا گئچیریله‌ن ارن قوشاتما پاییز-قیش عملیاتلارینین، خالقین دستگی ایله «اینانجلی» و «قرارلی» شکیلده باشارییلا داوام ائتدیگی وورغولاندی.
