اردوغاندان سوئده سرت تپکی
«بیزدن ناتو ایله باغلی هر هانسی بیر دستک گؤرمهیهجکسینیز»
جمهورباشقانی رجب طیب اردوغان، سوئدده قرآن کریمین یاندیریلماسی ایله باغلی،
«اگر تورکیه جمهوریتینین و یا مسلمانلارین دینی اینانجینا سایغی گؤسترمهیهجکسنیز، بیزدن ده ناتو ایله باغلی هر هانسی بیر دستک گؤرمهیهجکسینیز» دئدی.
جمهورباشقانی اردوغان، باشکند آنکارادا تشکیل ائدیلن باخانلار قورولو توپلانتیسیندان سونرا آچیقلامالار وئردی.
اردوغان، سوئدین باشکندی استکهلمداکی تورکیه ائلچیلیگی قارشیسیندا دانمارکین آشیری ساغچی استرام کورس پارتیسینین لیدئری راسموس پالودانین قرآن کریمی یاندیرماسینا ایجازه وئریلمهسینه سرت تپکی وئردی.
«اگر تورکیه جمهوریتینین و یا مسلمانلارین دینی اینانجینا سایغی گؤسترمهیهجکسنیز، بیزدن ده ناتو ایله باغلی هر هانسی بیر دستک گؤرمهیهجکسینیز» دئین اردوغان،
«ائلچیلیگیمیز قارشیسیندا بئله آلچلقلیغین یاشانماسینا سبب اولانلار ناتویا عضولوک مراجعتلری ایله باغلی بیزدن هر هانسی بیر یاخشی نیت گؤزلهمهسین» ایفادهسینی ایشلتدی.
دانمارکین آشیری ساغچی استرام کورس پارتیسینین لیدئری راسموس پالودان جمعه ائرتهسی گونو تورکیهنین استکهلمداکی ائلچیلیگی قارشیسیندا قرآن یاندیرمیش، قالابالیق پلس قوروماسیندا گئرچکلشدیریلن ائیلم سیراسیندا، پالودانا یانینا هئچ کیمین یاخینلاشماسینا ایجازه وئریلمهمیشدی.
ژوئن آییندا ایسپانیادا گئچیریلهن لیدئرلر ذیروهسینده فنلاند و سوئد، اتفاقا عضو اولمالارینا یاشیل ایشیق یاندیریلماسی اوچون، تروریزمله موباریزهلری قونوسوندا، تورکیهنین چکینجهلرینی اورتادان قالدیراجاغینا دایر اوچلو مموراندوم ایمضالامیشدیلار.