هلندین آنکارا ائلچیسی باخانلیغا چاغریلدی

«هلندین لاهه شهرین‌ده، ایسلام دۆشمنی بیر شخصین ۲۲ ژانویه‌ده قوتسال کیتابیمیز قرآن کریمی هدف آلان آلچاق سالدیریسینی ان گوجلو شکیلده لعنتله‌ییریک»

1937100
هلندین آنکارا ائلچیسی باخانلیغا چاغریلدی

هلندین آنکارا ائلچیسی خاریجی ایشلر باخانلیغینا چاغریلدی.

خاریجی ایشلر باخانلیغیندان وئریلن آچیقلامادا بو ایفاده‌لره یئر وئریلدی:

«هلندین لاهه شهرین‌ده، ایسلام دۆشمنی بیر شخصین ۲۲ ژانویه‌ده قوتسال کیتابیمیز قرآن کریمی هدف آلان آلچاق سالدیریسینی ان گوجلو شکیلده لعنتله‌ییریک.

سوئد‌دن سونرا بو دفعه ده هلندده یاشانان و قوتسال دگرلریمیزی تحقیر ائد‌ن، نیفرت سوچو احتیوا ائد‌ن بو آلچاق حرکت، ایسلام دۆشمنلیگینین، آیریمچیلیغین و خارجی دۆشمنچیلیگینین آوروپادا آرتیق هئچ بیر سرحد تانیمادیغینی آچیق اعلانیدیر.

بو حرکتلر ساده‌جه مسلمانلارین دئییل، بوتون بشریتین اساس حاق و اؤزگورلوکلرینی، معنوی دگرلرینی و توپلومسال خوش‌گؤرونو بیر باشا هدف آلماقدا؛ آیریجا بیر آرادا باریش ایچینده یاشاماق مدنیتینه ضرر وئرمکده‌دیر.

هلندین آنکارا ائلچیسی باخانلیغیمیزا چاغریلاراق بو ایگرنج و آلچاق حرکتی قینادیغیمیز و اعتراض ائتدیگیمیز گۆجلو ایفاده‌لرله بیلدیرمیش، هلندین بو جور تخریباتچی حرکتلره ایجازه وئرمه‌مه‌سی طلب ائدیلمیشدیر.

هلند مقاملارینین حادثه‌نی تؤره‌دن شخصه قارشی لازیم اولان تدبیرلری گؤرمه‌سینی و بئله حادثه‌لرین تکرارلانماماسی اوچون ملموس تدبیرلری حیاتا گئچیرمه‌سینی گؤزله‌ییریک».



ایلگیلی‌لی خبرلر