آکار: زاب بؤلگه‌سی بؤیوک اؤلچوده تروریستلردن تمیزلندی
"بیزیم ائتدیگیمیز تک شئی اؤلکه‌میزین، میللتیمیزین ساوونما‌سی و گوونلیگیدیر. بونون اوچون چالیشیریق و نه لازیمدیرسا اونو ائدیریک"
میللی ساوونما باخانی حولوصی آکار، عراقین قوزئیینده‌کی زاب بؤلگه‌سینین بؤیوک اؤلچوده تروریستلردن تمیزلندیگینی آچیقلادی.
حولوصی آکار، دونن باشکند آنکارادا گوند‌مله باغلی ژورنالیستلرین سواللارینی جاوابلاندیردی.
زاب بؤلگه‌سینده‌کی ترور هدفلرینه قارشی داوام ائد‌ن پنجه کیلید عملیاتین‌داکی سون وضعیتله باغلی سوالا آکار، تورکیه‌نین عراق و سوریه باش‌دا اولماقلا بوتون قونشولارینین سرحدلرینه، اگمنلیک حاقلارینا و تورپاق بوتؤولوگونه سایغیلی اولدوغونو سؤیله‌دی.
تورکیه سلاحلی گوجلرینین تک هدفینین تروریستلر اولدوغونو وورغولایان آکار:
"بیزیم ائتدیگیمیز تک شئی اؤلکه‌میزین، میللتیمیزین ساوونما‌سی و گوونلیگیدیر. بونون اوچون چالیشیریق و نه لازیمدیرسا اونو ائدیریک" دئدی.
ترورلا موباریزه‌نین عزم ایله آرتان بیر شکیلده، سالدیری روحو ایله داوام ائتدیگینی ایضاح ائد‌ن آکار بونلاری سؤیله‌دی:
"پنجه کیلید عملیاتیندا بللی بیر مرحله‌یه گیریلمیش اولدو. زاب بؤلگه‌سی بؤیوک اؤلچوده تروریستلردن تمیزلندی. ایللردیر اورادا یئرلشمیش تروریستلرین ماغارالارینا گیریلدی. هینلری، ماغارالاری، سیغیناقلاری تروریستلرین باشلارینا ییخیلدی. "پنجه کیلید عملیاتی ایله بیرلیکده عراق سرحدین اولان ۳۰۲ کیلومترلیک خط گوونلیگه قوووشدو. عملیاتدا ایندیه دک ۵۰۶ تروریست ضررسیزلشدیریلدی. عملیات چرچیوه‌سینده تروریستلری طرفیندن ایستیفاده ائدیلن ۶۰۰ دولاییندا ماغارا، سیغیناق ایله ۲ میندن چوخ مین و ال یاپیمی پاتلاییجی امحا ائدیلدی. تورک عسگری، عملیاتدا تروریستلره عاید ۱۱۷۴ سلاح ایله ۵۳۳ مین ۲۷۵ مهمات اله گئچیردی».
ایلگیلی‌لی خبرلر
تورکیه‌نی یاسا بوغان زلزله‌ده اؤلو ساییسی آرتیر
قهرمان ماراش مرکزلی زلزله‌لرده حیاتینی ایتیره‌نلرین ساییسی ۱۵۴۱ نفره یوکسلدی
