هیل: تۆرکیه، آمریکانین گوجونو محدودلاشدیران اؤلکه‌دیر
آوراسیا، ایسلام و تۆرک دونیاسینین قووشاغیندا یئرلشه‌ن تۆرکیه‌نین آوروپا، اورتا دوغو، اورتا آسیا و قافقازدا صاحیب اولدوغو نفوذا دقت چکیلدی
تۆرکیه‌نین کۆره‌سل بیر آکتور اولاراق خاریجی سیاستده ایزله‌دیگی یول دونیانین گوند‌مینده‌دیر.
آمریکانین ده هیل قزئتی، "تۆرکیه ایکیله‌می، آمریکانین گوجونو محدودلاشدیران اؤلکه" باشلیق‌لی بیر خبر-تحلیل یاییملادی.
خبرده، آنکارانین موستقیل، گئرچک بیر سیاست ایزله‌یه‌ن و پروبلئملره حل یوللاری گتیره‌ن اؤنملی بیر کۆره‌سل آکتور اولدوغونو وورغولایاراق،
"تۆرکیه گئتدیکجه چوخ قوطب‌لو حالا گلن بیردونیادا، آمریکانین گوجونون سرحدلرینی قبول ائتمه احتیاچینین یاخشی بیر نومونه‌سیدیر" دئییلدی.
قزئتین خبرین‌ده واشینگتنا، آنکارا ایله ایلیشکی‌لری گوجله‌ندیرمه‌سی چاغریسی ائدرک،
"تۆرکیه‌نی آرادان چیخاریلماسی لازیم اولان بیرمتفیق اولاراق گؤرمک یئرینه، اونونلا استراتژیک دویغوداشلیق ائدیلمه‌سی لازیمدیر. آنکارانین چیخارلارینی و حادثه‌لری نئجه گؤردوگونو آنلایین" دئییلدی.
خبرده جمهورباشقانی رجب طیب اردوغانین موستقیل گئرچکچی سیاستلریندن سؤز ائدیلدی.
اردوغانین لیبی، سوریه و داغلیق قاراباغ‌دا گئدیشی دییشدیره‌جک آددیملار آتدیغی بیلدیریلدی.
هیل‌ین خبرین‌ده آوراسیا، ایسلام و تۆرک دونیاسینین قووشاغیندا یئرلشه‌ن تۆرکیه‌نین آوروپا، اورتا دوغو، اورتا آسیا و قافقازدا صاحیب اولدوغو نفوذا دا دقت چکیلدی.
خبرده آنکارانین روسیا و ایرانلا اقتصادی و ژئوسیاسی باغلاری اولدوغو دا وورغولاندی، بوسنی‌دن قطتره قدر بیر چوخ اؤلکه‌ده حربی و یا باریشی قوروما گوج‌لرینین یئرلشدیریلدیگی ایضاح ائدیلدی.
