حولوصی آکار سوئد ساوونما ناظیری‌نین احتیمال اولونان سفری باره‌ده آچیقلاما وئریب
میللی ساوونما ناظیری حولوصی آکار سوئد-ین ساوونما ناظیری پال جانسونون تورکیه-یه احتیمال اولونان سفری ایله باغلی تورکیه بؤیوک میللت مجلیسینده ژورنالیست‌لرین سوال‌لارینی جاوابلاندیریب.
"پلانلاشدیرما وار، سوره جی ایزلییریک، آتیلا‌جاق آددیم‌لارا گؤره معین اولا‌جاق".
بونو میللی ساوونما ناظیری حولوصی آکار سوئد-ین ساوونما ناظیری پال جانسونون تورکیه-یه احتیمال اولونان سفری ایله باغلی تورکیه بؤیوک میللت مجلیسینده ژورنالیست‌لرین سوال‌لارینی جاوابلاندیرارکن دئییب.
تورکیه-نین ناتو-نون آچیق قاپی سیاستینی دستکلدیگینی ایفاده ائدن آکار ژوئن آییندا ایسپانیانین پایتاختی مادریدده ایمضا‌لانان سندی خاطیرلادیب.
"بیز گؤزلییریک کی، سوئد و فینلاندیا سنده اؤز عهده لیک‌لرینی یاخین زاماندا یئرینه یئتیره‌جک‌لر"، دئیه حولوصی آکار قئید ائدیب.
حولوصی آکار همچنین بیلدیریب کی، خاریجی ایشلر ناظیری مولود چاووش اوغلو اف-16 قیریجی‌لاری‌نین تداروکو ایله باغلی امریکادا همکاری ایله گؤروشه‌جک:
"گلدیگیمیز نقطه‌ده مسئله‌نین مثبت ایرلیلدیگینی ایزلییریک. لازیمی معلومات‌لاری آلیریق. امریکانین ساوونما ناظیری ایله سیخ امکداشلیغیمیز داوام ائدیر. هئیتلرآراسی و ایکی طرف‌لی گؤروش‌لرده ده ایفاده ائتدیک کی، یاخین زاماندا مثبت و کونکرت نتیجه‌لر گؤزلییریک. بو ایستیقامتده ایرلیلییریک. بعضی محدودیت‌لر وار ایدی. اونلاری دا آرا‌دان قالدیردی‌لار. اونسوز دا بیزیم محدود موبادیله‌لری قبول ائتمییمیز مومکون دئییل".
ناظیر حولوصی آکار اینگیلتره‌نین پایتاختی لندوندا کئچیردیگی تماس‌لارلا باغلی سوالا ایسه بئله جاواب وئریب:
"مثبت و یاپیجی ایکی طرف‌لی و نوماینده هئیت‌لری آراسیندا گؤروش‌لر کئچیردیک. ساوونما صنایعسی، حربی تعلیم ساحه‌سینده امکداش‌لیق و بیر چوخ دیگر ساحه‌لرده امکداش‌لیق اوزرینده ایشیمیزی داوام ائتدیریریک. اورا‌دان دا مثبت نتیجه‌لر گؤزلییریک".
ایلگیلی‌لی خبرلر
اردوغان زلزله بؤلگه‌سینه گئده‌جک
اردوغان، بو گون آدی‌یامان یئنی فلاکت قونودلاری تمل آتما مراسیمینده ایشتیراک ائد‌جک
