واسیل بودنار: تۆرکیه ایله اوکراینا ایلیشکیلرینین آلتینی اویماق اوچوندور

اوکراینانین آنکارا ائلچیسی واسیل بودنار، "تۆرکیه اوکراینایا سالخیم بومباسی تداروک ائتدیگی" ادعاسینا باغلی،

"بو، تۆرکیه-اوکراینا ایلیشکیلرینین آلتینی اویماق و دونیادا اوکراینا، تۆرکیه حاقین‌دا پیس ایزله‌نیم یاراتماق اوچون اؤزل اولاراق حاضیرلانمیش خبردیر" دئدی.

بودنار، فارن پالیسی درگیسینده یاییملانان بیر خبرده، "تۆرکیه‌نین اوکراینایا سالخیم بومباسی تداروک ائتدیگی" ادعاسینا توخوناراق، اولوسلارآراسی حقوقون سالخیم بومباسی و مهماتینی قاداغان ائتدیگینی، اؤلکه‌سینین روسیایا قارشی وئردیگی ساواشدا اولوسلارآراسی قوراللارا عمل ائتدیگینی بیلدیردی.

سؤزوگئدن خبرین، رسمی قایناقلاردان هئچ بیر آچیقلاما احتیوا ائتمه‌دیگینی و بیر نؤوع دئدی-قودو اولدوغونو بیلدیره‌ن بودنار، ادعانین "روسیا تبلیغاتینین" بیر پارچاسی اولدوغونا ایناندیغینی و بو شکیلده تۆرکیه و اوکراینانین هدف آلیندیغینی سؤیله‌دی.

ائلچی بودنار، "بو ادعا دوغرو دئییل و من بونو تامامیله رد ائدیره‌م. بو، تۆرکیه ایله اوکراینا ایلیشکیلرینین آلتینی اویماق و دونیادا اوکراینا، تۆرکیه حاقین‌دا پیس ایمیج یاراتماق اوچون پسیکولوژیک ایلیشکی سلاحی، بیلگی ایلیشکیسی سلاحی اولاراق اۆره‌تیلمیش بیر خبردیر" ایفاده‌لرینی ایشلتدی.

اؤته یاندان، روسیا درولت باشقانلیغی سارایی کرملین سؤزچوسو دمیتری پئسکوو، ژورنالیستلرین بو مؤوضوع ایله باغلی سواللارینی جاوابلاندیردی.

بو خبرلرین گۆونیرلیگیندن دانیشماغین چتین اولدوغونو وورغولایان پئسکوو، "بیلیرسینیز کی، گۆونیلیر و دوغرو خبرلردن داها چوخ ساختا خبرلر وار. اونا گؤره ده طبیعی کی، بوتون بونلاری دقتلیجه ایزله‌ییریک" دگرلندیرمه‌سینی وئردی.

پئسکوو، تۆرکیه‌نین اوکراینایا بایراقدار و مهماتلارینی گؤندردیگینین بیلیندیگینی ایفاده ائدرک،

"تۆرکیه‌، ناتو عضوو اولان اؤلکه کاولاراق تعهدلاری وار و دیگر اؤلکه‌لرله ایکیلی ایلیشکیلره صاحیب. آنجاق عینی زامان‌دا، قارشیلیقلی آنلاییشا، قارشیلیقلی چیخارلارا، قارشیلیقلی سایغییا دایانان و قارشیلیقلی  اولاراق ان چتین پروبلئملری موذاکیره ائتمه‌یه حاضر اولان اورتاقلیق ایلیشکیلری تۆرکیه ایله بیزی بیرلشدیریر" ایفاده‌سینی ایشلتدی.