حولوصی آکار:" مقصدیمیز اؤلکه‌میزین و میللتیمیزین ساوونماسی دیر"
میللی ساوونما ناظیری حولوصی آکار پایتاخت آنکارادا ژورنالیست‌لرین سوال‌لارینی جاوابلاندیریب.
"سوریه-نین قوزیی ینده روسیا ایله بیرگه گشت خیدمتی حیاتا کئچیریله بیلر".
بونو میللی ساوونما ناظیری حولوصی آکار پایتاخت آنکارادا ژورنالیست‌لرین سوال‌لارینی جاوابلاندیرارکن دئییب.
آکار دسامبرین 28-ده روسیانین پایتاختی موسکوادا تورکیه روسیا و سوریه ساوونما ناظیرلرینین اوچ طرف‌لی گؤروشو ایله باغلی سوالا جاوابن دئییب کی، مقصدیمیز اؤلکه‌میزین و میللتیمیزین ساوونماسی دیر. بونون اوچون ترورلا موباریزه چوخ واجیب‌دیر. ترورلا موباریزه‌ده الده اولونان اوغورلار، حیاتا کئچیریلنلر گؤز قاباغیندا‌دیر. بیز طرف مقابیل‌لریمیزه بو مسئله‌ده قطعیتلی اولدوغوموزو بیلدیردیک. دیگر طرف‌دن، علاوه قاچقین قبول ائده‌جک وضعیتده دئیی‌لیک. بونو دا وورغولادیق. دیگر مهم مسئله ده اودور کی، ایستر تورکیه-ده، ایسترسه ده سوریه-ده اولسون بیرلیکده اولدوغوموز سوریه-لی قارداش‌لاریمیز وار. اونلاری چتین وضعیته سالا‌جاق بیر قرار وئرمه یمیز سؤز مؤوضوع سو دئییل. بو موضعی هامی بیلمه‌لی و اونا اویغون حرکت ائتمه‌لی‌دیر" ایفاده‌لریندن ایستیفاده ائدیب.
حولوصی آکار "کئچیردیگیمیز گؤروشون داوامی اولا‌جاق. بونونلا باغلی لازیمی راضیلاشما‌لار الده اولونوب. سوریه-نین شیمالیندا روسیا ایله بیرگه گشت خیدمتی حیاتا کئچیره بیلریک" دئییب.
حولوصی آکار تورکیه-نین سوریه و عراق باشدا اولماقلا بوتون قونشولاری‌نین اراضی بوتؤو‌لوگو و اگمنلیک حقوق‌لارینا حؤرمت ائتدیگینی بیلدیریب:
"بیزیم یگانه مقصدیمیز اؤلکه‌میزی، میللتیمیزی مدافعه ائتمک، اونلارا هوجوم ائدن و ناراحات ائدن ترورچولاری ضررسیزلش‌دیرمک‌دیر. بونون اوزرینده ایشلییریک".
