حولوصی آکار: "تورکیه-نین دیالوق چاغیریشلاری ضعیفلیک کیمی باشا دوشولمهمهلیدیر"
میللی ساوونما ناظیری حولوصی آکار تورکیه-نین اگه دنیزیندهکی ثروتلرین مهریبان قونشولوق موناسیبتلرینده عدالتلی بؤلوشدورولمهسینه صمیمیت ایله یاناشدیغینی بیلدیریب.
میللی ساوونما ناظیری حولوصی آکار تورکیه-نین اگه دنیزیندهکی ثروتلرین مهریبان قونشولوق موناسیبتلرینده عدالتلی بؤلوشدورولمهسینه صمیمیت ایله یاناشدیغینی بیلدیریب.
حولوصی آکار مرمره دنیزینده سیناق مرحلهسینده اولان دونیانین ایلک سلاحلی پیلوتسوز اوچوش آپاراتی (سیها) گمیسی و تورکیه-نین ان بؤیوک دؤیوش گمیسی اولان "آنادولو" گمیسینده تدقیقاتلار آپاریب.
حولوصی آکار بورادا وئردیگی آچیقلامادا تورکیه و قوزیی قیبریس تورک جمهوریتینین اگه و دوغو آغ دنیزیندهکی حقوق و ماراقلارینی دیرلندیریب.
یونانیستانین تخریبات کاراکترلی حرکتلرینی و سویلملرینی داوام ائتدیردیگینی بیلدیرن آکار دئییب:
"تورکیه هئچ کیم اوچون تهلوکه دئییل، اعتبارلی، گوجلو و افکتیو متفیقدیر. بونو بئله بیلمک لازیمدیر".
تورکیه-نین دیالوق چاغیریشلارینین ضعیفلیک کیمی باشا دوشولمهمهسینین لازیم اولدوغونو وورغولایان آکار "صحبت اگه دنیزینین ثروتلرینین صمیمی مهریبان قونشولوق موناسیبتلرینده عدالتلی بؤلوشدورولمهسیندن گئدیر. بیز اؤزوموزون و قیبریس-لی قارداشلاریمیزین حقوق و حاقلارینین تاپدالانماسینا و هئچ بیر ایشین بیزدن خبرسیز اولماسینا ایجازه وئرمیجییک".
حولوصی آکار اوچونجو شخصلری حادثهلره اوبیکتیو یاناشماغا، دویغوسال و غرضلی طرف اولماماغا چاغیریب.
میللی ساوونما ناظیری قیبریس مسئلهسینی "میللی بیر مسئله" اولاراق خاراکتریزه ائدهرک دئییب:
"کئچمیشده اولدوغو کیمی، ضمانت و متفیقلیک موقاویلهسینه اویغون اولاراق، قیبریسلی قارداش و باجیلاریمیزین یانینداییق. صحبت قیبریس-دا ایکی اگمن، برابر و موستقیل دؤولتدن گئدیر. آرتیق مسئله بو دؤولتین قورولماسیندا دئییل، بو قورولموش دؤولتین تانینماسیندادیر".
ایلگیلیلی خبرلر
هاکان فیدان هلندین باش ناظیری ایله گؤروشوب
قطردهکی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب