جمهورباشقانی اردوغان تورکمنیستانا گئدیر

جمهورباشقانی رجب طیب اردوغان، تورکیه-آذربایجان-تورکمنیستان دؤولت باشقانلاری بیرینجی ذیروه توپلانتیسی اوچون ۱۳-۱۴ دسامبردا تورکمنیستانا سفر ائد‌جک.

ایله‌تیشیم باشقانلیغیندان وئریله‌ن آچیقلامادا، تورکمنیستان دؤولت باشقانی سردار بردی‌محمدووون دعوتی ایله جمهورباشقانی اردوغانین یانی سیرا آذربایجان جمهورباشقانی ایلهام علییئوین اشتراکی ایله یارین آوازادا تورکیه-آذربایجان-تورکمنیستان دؤولت باشقانلاری بیرینجی ذیروه توپلانتیسی تشکیل ائدیله‌جگی بیلدیریلدی.

ذیروه‌ده؛ تیجارت، انرژی و نقلیات باشدا اولماق اۆزره دوست و قارداش اۆچ اؤلکه آراسینداکی امکداشلیغین هر ساحه‌‌ده داها دا درینلشدیریلمه‌سینه دایر آتیلاجاق آددیملارین موذاکیره اولوناجاغی ایفاده ائدیلن آچیقلامادا، ذیروه وسیله‌سی ایله سؤزو گئدن ساحه‌لرده امکداشلیغین آندلاشمایا دایالی تملینی گوجلندیریله‌جک چئشیدلی آنلاشمالارین ایمضالاناجاغی، جمهورباشقانی اردوغانین دا ایکیلی گؤروشمه‌لر گئرچکلشدیره‌جگی قید ائدیلدی.