جمهور باشقانی اردوغان تورکیه ایش وئرن سندیکالاری کنفدراسیونونون ایجلاسیندا چیخیش ائدیب

"آرتیق سیاستده، اقتصادیاتدا، دیپلوماتیک و حربی ایستراتژی لرده اؤز قرارلارینی وئرن، اؤز آلت یاپیسینی یارا‌دان، هدف‌لرینی معین ائدن تورکیه وار".

بونو جمهور باشقانی رجب طیب اردوغان پایتاخت آنکارادا تورکیه ایش وئرن سندیکالاری کنفدراسیونونون (TİSK) ایجلاسیندا ائتدیگی چیخیشدا دئییب.

سون 20 ایلده الده ائتدیک‌لری دموکراسی و اینکیشاف سیچراییش‌لاری‌نین حیاتین بوتون ساحه‌لرینده اولدوغو کیمی، اقتیصادیاتدا دا تاریخی دییشیک‌لیک‌لره سبب اولدوغونو وورغولایان دؤولت باشچی‌سی "میللی گلیرین ساتین آلما  پاریتئتینه گؤره 11-جی پیله‌یه یوکسلدیک. اما بیز بونو کافی حساب ائتمیریک. اومید ائدیرم کی، تطبیق ائتدیگیمیز اقتصادی پروقرامی اوغورلا حیاتا کئچیره‌رک، قلوبال بحران‌لاری فورصته چئویره‌رک و بیرلیکده داها چوخ چالیشا‌راق اؤلکه‌میزی دونیانین ان گوجلو 10 اقتصادیاتی سیراسینا داخیل ائدجییک" دئیه وورغولاییب.

"حاضیردا اؤلکه اولا‌راق بالکان‌لاردان افریقایا، مرکزی آسیا‌دان گونئی آسیایا قدر گئنیش بیر اراضیده نفوذ صاحیبی اولان طرف مقابل لریمیز ایله تکجه منطقسیز دئییل، هم ده رئال موناسیبت‌لر قورا بیله جگیمیز موضعه گلمیشیک"، -دئیه دؤولت باشچی‌سی قئید ائدیب.