پ.کا.کا-نین سیغینا‌جاق یئرلری و تعلیم دوشرگه‌سی محو ائدیلیب

تونجلی شهرینده پ.کا.کا-نین سیغینا‌جاق یئرلری و تعلیم دوشرگه‌سی محو ائدیلیب

تورکیه-نین تونجلی-ده حیاتا کئچیریلن "ارن قوشاتما پاییز-قیش-13" آنتی‌ترور عملیاتیندا بولوجو ترور تشکیلاتی پ.کا.کا-نین سیغیناجاق لاری و تعلیم دوشرگه‌سی محو ائدیلیب.

ایچ ایشلر ناظیرلیگیندن وئریلن معلوماتا گؤره، تونجلی ولایت ژاندارما قوموتانلیغی طرفیندن تونجلی مرکز-بالی دره‌سی ایله اوواجیک آسلیجا چؤلونده ایکی آیری عملیات کئچیریلیب.

اوواجیک چؤلونده کشفیاتا اساس‌لانان عملیاتدا 14 سیغینا‌جاق معین ائدیلرکن، ترور تشکیلاتی پ.کا.کا-نین بؤیوک شهرلرده پارتلاییش‌لار تؤرتمک اوچون کادر حاضیرلادیغی EYP  (الده قاییرما پارتلاییجی‌لار) آدلی تعلیم دوشرگه‌سی مرکزده محو ائدیلیب.

دوشرگه و سیغینا‌جاق‌لاردا آپاریلان آختاریش‌لار زامانی چوخ‌لو سایدا حاضیرلانمیش EYP  مخانیزم‌لری، EYP ماتئریال‌لاری و یاشاییش ماتئریال‌لاری اله کئچیریلیب.