چاووش اوغلو:"یونانیستان ترک-سلاح ائدیلمیش آدا‌لارین ایستاتوسونو پوزماغا سون قویما‌لی‌دیر"

خاریجی ایشلر ناظیری مولود چاووش اوغلو رومینیانین خاریجی ایشلر ناظیری بوگدان اورسکو ایله ناظیرلیک‌ده‌کی گؤروشون‌دن سونرا پایتاخت آنکارادا تشکیل ائدیلن بیرگه مطبوعات کنفرانسیندا چیخیش ائدیب.

1915476
چاووش اوغلو:"یونانیستان ترک-سلاح ائدیلمیش آدا‌لارین ایستاتوسونو پوزماغا سون قویما‌لی‌دیر"

 

"یونانیستان ترک-سلاح ائدیلمیش آدا‌لارین ایستاتوسونو پوزماغا سون قویما‌لی‌دیر".

بونو خاریجی ایشلر ناظیری مولود چاووش اوغلو رومینیانین خاریجی ایشلر ناظیری بوق‌دان آورئسکو ایله ناظیرلیک‌ده‌کی گؤروشون‌دن سونرا پایتاخت آنکارادا تشکیل ائدیلن بیرگه مطبوعات کنفرانسیندا دئییب.

مولود چاووش اوغلو یونانیستانین رودوس و میدیل‌لی آدا‌لاریندا کئچیردیگی حربی مانور ایله باغلی سوالینا ایسه، "تأسف کی، یونانیستان تخریبات تؤرتمکده داوام ائدیر. طبیعی کی، بیزیم بونون قارشی‌سیندا سوسماغیمیز مومکون دئییل" جاوابینی وئریب.

ناظیر چاووش اوغلو یونانیستانین ترک-سلاح ائدیلمیش آدا‌لارین ایستاتوسونو پوزماسیندان سونرا تورکیه-نین بیرلشمیش میللت‌لر تشکیلاتینا (بمت) حقوقی آرقومئنت‌لر احتیوا ائدن مکتوب‌لار عنوانلاماسی‌نین یونانیستانی دلی ائتدیگینی بیلدیریب:

"آدینی چکدیگیمیز آدا‌لار و بعضی آدا‌لار 1923-جو ایل لوزان و 1947-جی ایل پاریس باریش موقاویله‌لری ایله یونانیستانا وئریلمیشدی و بیر شرطله وئریلمیشدی. یونانیستان بو اراضی‌لری سلاحلاندیرا بیلمز، چونکی بو موقاویله "باریش موقاویله‌سی" آدلانیر و بونا گؤره ده یونانیستان بورا‌لارا سلاح گتیره بیلمز".

یونانیستانین موقاویله عهده ‌لیک‌لرینی یئرینه یئتیرمه‌دیگینی قئید ائدن چاووش اوغلو ترک-سلاح ائدیلمیش آدا‌لارین ایستاتوسو ایله اونلارین اگمنلیگی آراسیندا بیرباشا علاقه‌نین اولدوغونو دا وورغولاییب.

مولود چاووش اوغلو دئییب کی، یونانیستان بو پوزونتودان ال چکمه‌سه، اونلارین اگمنلیگی موذاکیره اولونا‌جاق. دیگر طرف‌دن، یونانیستان منفی آددیم‌لار آتیر، بو اراضی‌لری سیلاحلاندیریر، تهلوکسیزلیگیمیز اوچون بو راضیلاشما‌لارا باخمایا‌راق باشقا آددیم‌لار آتیر. اونا گؤره ده بیزیم بون‌لار قانشی‌سیندا ساکیت قالماغیمیز مومکون دئییل. یعنی یونانیستان ترک-سلاح ائدیلمیش آدا‌لارین ایستاتوسونو پوزماق‌دان ال چکمه‌لی‌دیر. یا یونانیستان بو مسئله‌ده گئری آددیم آتار و بو راضیلاشما‌لارا عمل ائدر، یوخسا بیز لازیم گلن آددیمی آتاریق. هم حقوقی موستویده، هم اولوسلار آراسی تشکیلات‌لار، هم ده بمت باشدا اولماقلا لازیمی آددیم‌لاری آتماقدا داوام ائدجییک.



ایلگیلی‌لی خبرلر