جمهورباشقانلیغی سؤزچوسو قالین الجزیره‌یه دانیشدی
"سوریه‌نین قوزئیینده، دوغوسوندا، باتیسیندا و یا تۆرکیه سرحدینه یاخین بؤلگه‌لرده‌کی تروریست عنصورلار، نقطه‌لر، آنکارا اوچون مشروع هدفدیر"
جمهورباشقانلیغی سؤزچوسو ابراهیم قالین، سوریه‌نین قوزئیینده، دوغوسوندا، باتیسیندا و یا تۆرکیه سرحدینه یاخین بؤلگه‌لرده بؤلوجو ترور هؤرگوتو پ‌کاکا/ی‌پ‌گ عنصورلارینین تۆرکیه اوچون مشروع هدف اولدوغونو بیلدیردی.
سؤزچو قالین، قطر مرکزلی الجزیره کانالیندا قاتیلدیغی پروگرام‌دا گوند‌مله باغلی سواللاری جاوابلاندیردی.
۱۳ نوامبردا ایستانبولون ایستیقلال جاده‌سین‌ده ۶ نفرین حیاتینی ایتیردیگی، ۸۱ نفرین یارالاندیغی ترور سالدیریسینا قارشیلیق اولاراق تۆرکیه‌نین سوریه و عراقین قوزئیینده حیاتا گئچیردیگی هاوا عملیاتلارینا توخونان قالین، هاوا و یا قورودان بو تروریستلرین آرخاسیندان گئدیله‌جگینی بیلدیردی.
قالین، ایستانبول‌دا تؤره‌دیله‌ن ترور سالدیریسینین آرخاسین‌دا پ‌کاکا/ی‌پ‌گ‌نین اولدوغونا دایر آچیق دلیللرین اولدوغونو، بومبانی یئرلشدیره‌ن تروریسته کؤمک ائد‌نلرین ده گؤزآلتینا آلیندیغینی خاطیرلاتدی.
پ‌کاکانین سون ایللرده تاکتیک دییشدیردیگینی بیلدیره‌ن قالین:
"تروریستلر اؤزلرینی گیزلتمک اوچون موختلیف میللتلردن اولان اینسانلاردان ایستیفاده ائدیرلر" دئدی.
قالین، پ‌کاکانین ی‌پ‌گ‌نین ترور هؤرگوتلری اولدوغونو، بو هؤرگوتلره عاید سوریه‌نین قوزئیینده، دوغوسوندا، باتیسیندا و یا تۆرکیه سرحدینه یاخین بؤلگه‌لرده‌کی عنصورلارین، نقطه‌لرین، آنکارا اوچون مشروع هدف اولدوغونو وورغولادی.
تۆرکیه‌نین سوریه‌نین قوزئیینده گئچیردیی عملیاتدا پ‌کاکا/ی‌پ‌گ عنصورلارینی ووردوغونا، آمریکا و روییا گوجلرینی هدف آلمادیغینا دقت چکه‌ن قالین:
"(آمریکا و روسیا گوجلرینه) طبیعی کی، بو عنصورلاردان اوزاق دورمالارینی سؤیله‌ییریک. پ‌ی‌د/ی‌پ‌گ اؤزونو قوروماق اوچون بیر نقطه‌ده آمریکا، دیگر نقطه‌ده ایسه رژیم بایراغیندان ایستیفاده ائدیر" دئدی.
سؤزجو قالین، تۆرکیه‌نین سون گونلرده سوریه‌نین قوزئیینده تشکیل ائتدیگی هاوا عملیاتلارینین آمریکا عسگرلرینین حیاتینی ریسکه آتدیغی ایله باغلی واشینگتنوندان گلن آچیقلامالاری رد ائدرک،
"آمریکالی متفیقلریمیزه آمریکالیلاری، مولکی اینسانلاری، روسلاری، ایرانلیلاری و یا دیگرلرینی هدف آلمایاجاغیمیز، بیزیم هدفلریمیزین اؤزللیکله پ‌کاکا، پ‌ی‌د/ی‌پ‌گ عنصورلاری اولدوغو مئساژینی گؤندردیک" دگرلندیرمه‌سینی پایلاشدی.
پ‌کاکا/ی‌پ‌گ‌نین، تۆرکیه‌نین قورو عملیاتینا باشلاتماسی حالیندا سوریه‌نین قوزئیینده ترور هؤرگوتو داعش محبوسلارینین ساخلانماسینا ضمانت وئره بیلمه‌یه‌جگینه دایر آچیقلامالارینین خاطیرلادیلماسی اۆزرینه قالین:
"بو، پ‌کاکا/ی‌پ‌گ‌نین موذاکیره‌لر اوچون آمریکالی و آوروپالیلاردان داها چوخ دستک، حربی، سیاسی و مئدیا دستگی آلماق اوچون داعش محبوسلارینی سیاسی گیروو اولاراق قوللاندیغینی گؤستریر" دئدی.
