آکار: ۳۲۶ تروریست ضررسیزلشدیریلدی
"هر یئرده کیشیلیکلی و کیملیکلی سیاستلرله اؤلکهمیزین و میللتیمیزین حاق و حقوقونو ساوونوروق"
میللی ساوونما باخانی حولوصی آکار،
"پنجه-قیلینج عملیاتی هاوا و قورو آتیه دستک ماشینلاری ایله ائدیلن جزالاندیرما آتیشلاری ایله داوام ائدیر. ایندیه دک ۳۲۶ تروریست ضررسیزلشدیریلدی" دئدی.
حولوصی آکار، باشکند آنکارادا ژورنالیستلرین سواللارینی جاوابلاندیردی.
پنجه-قیلینج عملیاتیندا سون وضعیتله باغلی سوالا آکار:
"تررورا سون قویماق، اؤلکهمیزین و میللتیمیزین، سرحدلریمیزین گوونلیگینی تامین ائتمک اوچون نه لازیمسا، ائتدیک و ائدهجییک" دئدی.
سون دؤورون ان بؤیوک، ان گئنیش و تأثیرلی هاوا عملیاتی ایله باشلایان پنجه-قیلینج عملیاتینین اوغورلا داوام ائتدیگینی بیلدیرن آکار،
"پنجه-قیلینج عملیاتی هاوا و قورو آتیه دستک ماشینلاری ایله ائدیلن جزالاندیرما آتیشلاری ایله داوام ائدیر. ایندیه دک ۳۲۶ تروریست ضررسیزلشدیریلدی" دئیه دانیشدی.
باخان آکار، تورک سلاحلی گوجلرینین، سوریهنین قوزئیینده، "آمریکانین گؤزلم نقطهسینی ووردوغو" ادعاسی ایله باغلی سوالا:
"بیزیم کوالیسیون گوجلرینه و یا مولکی شخصلره ضرر وئرمهمیزین سؤزو بئله ائدیلهبیلمز. بیزیم بیر هدفیمیز وار، او دا تروریستلردیر. تروریست هارادادیرسا، هدفیمیز اورادیر. مولکی اینسانلارا، چئورهیه ضرر وئرمهمک بیزیم ان اؤنملی ایلکهمیزدیر" جاوابینی وئردی
بیر قزئتچینین، "سوریهده لیدئرلر سویهسینده بیر گؤروشمه نه واخت اولاجاق؟" سوروسو اۆزرینه حولوصی آکار،
"کیچیک-بؤیوک، بیر چوخ گلیشمه وار. بونلار شکیللهنیر و نتیجهلره ده بونا گؤره باخیلیر. گلیشمهلری یاخیندان تعقیب ائدیریک".
تورکیهنین، جمهورباشقانی رجب طیب اردوغانین لیدئرلیگی ایله اولوسلارآراسی ساحهده بیر اؤزنه حالینا گلدیگینی وورغولایان آکار،
"هر یئرده کیشیلیکلی (متمایز) و کیملیکلی سیاستلرله اؤلکهمیزین و میللتیمیزین حاق و حقوقونو ساوونوروق. بوندان باشقا، قیبریس، آذربایجان و لیبی کیمی قارداش و دوست اؤلکهلرین حاقلی دعویلرینده ده اونلارین یانیندا اولماغا داوام ائدیریک" دئدی.