"اؤیرتمنیمیزه ال قالدیرانین هر شئیینی دارماداغین ائدریک"

جمهورباشقانی اردوغان، اؤیرتمنلر گونو موناسیبتی ایله جمهورباشقانلیغی سرگی سالونوندا ۸۱ ویلایتدن باشکند آنکارایا گلن اؤیرتمنلرله گؤروشدو

1910677
"اؤیرتمنیمیزه ال قالدیرانین هر شئیینی دارماداغین ائدریک"

جمهورباشقانی رجب طیب اردوغان،

"اؤیرتمنیمیزه ال قالدیرانین، بیز هر شئیینی دارماداغین ائدریک. اؤلکه‌میزه قارشی ترور تهلوکه‌سی تامامیله آرادان قالخانا قدر بو موباریزه‌نی داوام ائتدیرجییک" دئدی.

اردوغان، اؤیرتمنلر گونو موناسیبتی ایله جمهورباشقانلیغی سرگی سالونوندا ۸۱ ویلایتدن باشکند آنکارایا گلن اؤیرتمنلرله گؤروشدو.

سلاحلی گوجلریمیز عراق و سوریه‌نین قوزئیینده حیاتا گئچیردیکلری هاوا عملیاتلاری ایله سالدیریلارین پلانلاشدیریلدیغی و گئرچکلشدیریلدیگی ترور یووالارینی دارماداغین ائدیر" دئین جمهورباشقانی ،

"هارادا بیر تروریست وارسا، بو میللتین گوونلیک تشکیلاتی پلیسی ایله، اوردوسو ایله، گوونلیک گوجلری ایله اورادا اولاجاق. بونو بو گون دئمیریک، گاباردا دا اولاجاغیق، جودی‌ده ده اولاجاغیق، تن‌ورک‌ده ده اولاجاغیق، بیر سؤزله، هارادا وارسا اورادا اولاجاغیق" ایفاده‌لرینی ایشلتدی.

جمهورباشقانی اردوغان بئله داوام ائتدی:

"بیزیم اؤیرتمنیمیزه ال قالدیرانین، بیز هر شئیینی دارماداغین ائدریک. بوندان سونرا دا بئله اولاجاق. اؤلکه‌میزه قارشی ترور تهلوکه‌سی بیته‌نه قدر بو موباریزه‌میزی سرحدلریمیزین ایچینده و دیشیندا آرالیقسیز داوام ائتدیره‌جییک. اوشاقلاریمیزی ۷۸۰ مین کیلومتر مربعنین هئچ بیر قاریشیندا ترورون اولمادیغی، ترور تهلوکه‌سینین اولمادیغی بیر تورکیه‌ده یاشاتماقدا قرارلیییق".



ایلگیلی‌لی خبرلر