اردوغان: بتون تونللرین مزارلارینا چئوریله‌جگی گون یاخیندیر

"هاوا عملیاتلاریمیزی آرالیقسیز داوام ائتدیررکه‌ن، بیزیم اوچون ان اویغون واختدا قورودان تروریستلرین تپه‌سینه مینه‌جییک"

1910052
اردوغان: بتون تونللرین مزارلارینا چئوریله‌جگی گون یاخیندیر

جمهورباشقانی رجب طیب اردوغان، سوریه‌ده تل رفعت، منبج و عین العربه قورو عملیاتی سیگنالی وئردی.

اردوغان باشقانی اولدوغو عدالت و قالخینما پارتیسینین تورکیه بؤیوک میللت مجلیسین‌ده‌کی قروپ توپلانتیسیندا چیخیش ائتدی.

جمهورباشقانی،

"سوریه سرحدلری ایله باغلی تعهدلاریمیزا صادق قالدیق. قارشیمیزداکیلار آنلاشمانی یئرینه یئتیره‌بیلمیرلرسه، اؤز ایشیمیزه باخما حاقیمیز دوغموشدور" دئدی.

اردوغان، تورک سلاحلی گوجلرینین سوریه و عراق‌داکی ترور یووالارینا قارشی جمعه ائرته‌سی گونو باشلاتدیغی پنجه-قیلینج عملیاتینا توخوناراق:

"اوچاقلارلا، توپلارلا، سیهالارلا عملیاتلاریمیز هله باشلانغیجدا‌دیر" ایفاده‌سینی ایشلتدی.

 اردوغان،

"تل رفعت، منبج و عین العربی (سوریه‌ده) تمیزله‌یه‌جییک. هاوا عملیاتلاریمیزی آرالیقسیز داوام ائتدیررکه‌ن، بیزیم اوچون ان اویغون واختدا قورودان تروریستلرین تپه‌سینه مینه‌جییک. بتون تونللرین مزارلارینا چئوریله‌جگی گون یاخیندیر. عراق و سوریه یؤنه‌تیملری تورکیه‌نین عملیات ائتدیگی یئرلردن راخاتسیزلیق دویماسینلار. آتادیغیمیز آددیملار عراق و سوریه‌نین تورپاق بوتؤولوگونو ده تضمین ائده‌جکدیر" دئدی.



ایلگیلی‌لی خبرلر