پنجه-قیلینج عملیاتی ایله ۲۵۴ تروریست ضررسیزلشدیریلدی

"تورکیه و تورک سلاحلی گوجلری ایله اویون اوینانیلماز، بونون حسابینی وئره‌جکلر"

1909972
پنجه-قیلینج عملیاتی ایله ۲۵۴ تروریست ضررسیزلشدیریلدی

سوریه و عراقین قوزئیینده بؤلوجو ترور هؤرگوتو پ‌کاکا/ی‌پ‌گ‌یه قارشی ائدیله‌ن هاوا عملیاتیندا ۲۵۴ تروریست ضررسیزلشدیریلدی.

میللی ساوونما باخانی حولوصی آکار، گئجه ساعاتلاریندا تورک سلاحلی گوجلری قوموتانلاری ایله باشکند آنکاراداکی قورو قوشونلاری قوموتانلیغی عملیات مرکزینه گئتدی.

آکار، سرحد خطینده‌کی بیرلیکلرین قوموتانلاری ایله ویدئوکنفرانس توپلانتیسی گئرچکلشدیردی.

سوریه و عراقین قوزئیینه پنجه-قیلینج هاوا عملیاتینا توخونان آکار،

"ایندیه دک ۴۷۱ هدف آتیشا توتولدو. ۲۵۴ تروریست دا ضررسیزلشدیریلدی. بورادا تروریستلرین سیخیشدیغی آچیق شکیلده بللیدیر. ایلیشیب قالدیلار چونکو آرتیق بونلار عسگر، مولکی وطنداش دئمه‌دن ساغا سولا آتیش ائتمه‌گه باشلادیلار. اونا گؤره ده بیز تئزلیکله اونلاری سوسدورمالیییق" دئدی.

عسگرلره سسلنه‌رک، "تورکیه و تورک سلاحلی گوجلری ایله اویون اوینانیلماز، بونون حسابینی وئره‌جکلر" دئین آکار:

حساب  واختیدیر. مولکی وطنداش، عسگر حیاتینی ایتیره‌ن شهیدلریمیزین، او بالاجا اوشاقلارین، قادینلارین، قیزلارین، اؤیرنجیلرین، اؤیرتمنلرین هر دامجی قانینین حسابینی سوراجاقسینیز" ایفاده‌سینی ایشلتدی.

میللی ساوونما باخانی،

"بیزیم تک هدفیمیز وار. تروریستلر. کیمدیر بونلار پ‌کاکا، ی‌پ‌گ‌، پ‌ی‌د، داعش" دئدی.

تورک سلاحلی گوجلری، ۱۹ نوامبردا سوریه و عراقین قوزئیینده پ‌کاکا/ی‌پ‌گ‌‌یه قارشی پنجه-قیلینج هاوا عملیاتینی باشلاتمیشدی.



ایلگیلی‌لی خبرلر