مولود چاووش اوغلو بمت مدنیت لر اتفاقی‌نین 9-جو قلوبال فوروموندا ایشتیراک ائدیر

خاریجی ایشلر ناظیری مولود چاووش اوغلو نیفرت و زوراکیلیغین آمان‌سیز دوگونونو بیرلیکده جهد ائده‌رک آرا‌دان قالدیرا‌جاق‌لارینی بیان ائدیب.

1909978
مولود چاووش اوغلو بمت مدنیت لر اتفاقی‌نین 9-جو قلوبال فوروموندا ایشتیراک ائدیر

خاریجی ایشلر ناظیری مولود چاووش اوغلو نیفرت و زوراکیلیغین آمان‌سیز دوگونونو بیرلیکده جهد ائده‌رک آرا‌دان قالدیرا‌جاق‌لارینی بیان ائدیب.

ناظیر چاووش اوغلو سوسیال مئدیا حسابیندان مراکش-ین فاس شهرینده کئچیریلن بیرلشمیش میللت‌لر تشکیلاتی‌نین (بمت) مدنیت لر اتفاقی‌نین 9-جو قلوبال فورومو ایله باغلی آچیقلاما وئریب.

چاووش اوغلو"2005-جی ایلده ایسپانیا ایله باشلادیغیمیز و حاضیردا 158 عضوو اولان مدنیت لر اتفاقی‌نین فاس‌-داکی توپلانتی‌سینا قاتیلدیق. بیرلیکده چالیشا‌راق نیفرت و زوراکیلیغین بو دوگونونو دفع ائدجییک" دئییب.

قئید ائدک کی، بو گون داوام ائده‌جک فورومدا بیرلیکده یاشاماغین ضروری‌لیگی، موختلیفلیگین و مدنی زنگینلیگین تبلیغی موذاکیره اولونا‌جاق.

ایلک دفعه بیر افریقا اؤلکه‌سی‌نین ائو صاحیبلیگینده نوامبرین 22-ده باشلایان و 50 اؤلکه‌نین موختلیف ناظیرلری سویه‌سینده تمثیل اولوندوغو بمت-نین مدنیت لر اتفاقی‌ 9-جو قلوبال فوروموندا 96 اؤلکه‌دن نوماینده هئیت‌لری ایله دئمک اولار کی، دونیانین هر یئریندن فرق‌لی مدنیت لری آنلاماق و اونلارا حؤرمت ائتمک اوچون چالیشان 1000-دن چوخ آکتیویست یئر آلیر.



ایلگیلی‌لی خبرلر