تاخیل آنلاشماسینین سۆره‌سی اوزادیلدی

اردوغان: تورکیه‌نین ائو صاحبلیگی ائتدیگی دؤردلو دانیشیقلارین نتیجه‌سی اولاراق قارا دنیز تاخیل دهلیزی آنلاشماسی ۱۹ نوامبر ۲۰۲۲ تاریخیندن اعتباراً ۱۲۰ گون اوزادیلدی

1907492
تاخیل آنلاشماسینین سۆره‌سی اوزادیلدی

جمهورباشقانی رجب طیب اردوغان، قارا دنیز تاخیل دهلیزی آنلاشماسینین ۱۹ نوامبر ۲۰۲۲.جی ایلده‌ن ۱۲۰ گون اوزادیلدیغینی آچیقلادی.

جمهورباشقانی اردوغان، سوسیال مئدیا حسابیندان قارا دنیز تاخیل دهلیزی آنلاشماسینین مدتینین اوزادیلدیغینی آچیقلادی.

اردوغان آچیقلاماسیندا،

"تورکیه‌نین ائو صاحبلیگی ائتدیگی دؤردلو دانیشیقلارین نتیجه‌سی اولاراق، تورکیه، بیرلشمیش میللتلر، روسیا و اوکراینا آراسیندا آلینان قرارا اساساً، قارا دنیز تاخیل دهلیزی آنلاشماسی ۱۹ نوامبر ۲۰۲۲ تاریخیندن اعتباراً ۱۲۰ گون اوزادیلدی.

سون ۴ آیدا ۵۰۰ دولاییندا گمی ایله  ۱۱ میلیون تون‌دان چوخ تاخیل و ارزاق ماده‌سینین احتیاجی اولانلارا چاتدیریلماسی ایله بو آنلاشمانین دونیانین ارزاق تأمینی و گوونلیگی باخیمیندان نه قدر اؤنملی و فایدالی اولدوغو آچیق شکیلده گؤرولدو.

آنلاشمانین مدتینین اوزادیلماسی اراده‌سینی اورتایا قویان بیرلشمیش میللتلره، باش کاتیب سایین (آنتونیو) گوترشه، روسیا جمهورباشقانی سایین (ولادیمیر) پوتین و اوکراینا جمهورباشقانی سایین (ولودیمیر) زلنسکییه تشکرومو بیلدیریرم و امه‌گی اولان هر کسی تبریک ائدیره‌م. اوغورلو اولسون" ایفاده‌لرینی ایشلتدی.



ایلگیلی‌لی خبرلر