جمهور باشقانی اردوغان ترورچولارا خبردارلیق ائدیب
"ترور تهدیدینی آرادان قالدیرماق اوچون ایستراتژیمیزی داوام ائتدیرجییک".
![جمهور باشقانی اردوغان ترورچولارا خبردارلیق ائدیب](http://cdn.trt.net.tr/images/xlarge/rectangle/e8f9/f25d/793c/63748119df65a.jpg?time=1722046314)
جمهور باشقانی رجب طیب اردوغان دئییب: "داعش ایله موباریزه بهانهسی ایله ترور تشکیلاتینا دستک وئرنلر تؤکولن هر داملا قانا گؤره مسئولیت داشیییرلار.
جمهور باشقانی رجب طیب اردوغان اندونزیانین بالی آداسیندا کئچیریلن گ-20 لیدئرلر ایجلاسیندان سونرا ژورنالیستلره بیاناتلار وئریب.
ایستانبولدا تؤرهدیلن ترور آکتینا توخونان جمهور باشقانی رجب طیب اردوغان داعش ایله موباریزه بهانهسی ایله ترور تشکیلاتینا دستک وئرنلرین تؤکولن هر داملا قانا گؤره مسئولیت داشیدیقلارینی بیلدیریب.
"بوتون دوست و متفیقلریمیزین تورکیه-نین حاقلی موباریزهسینی دستکلمهسینی گؤزلییریک دئین جمهور باشقانی رجب طیب اردوغان بیلدیریب کی، تورکیه ترور تهلوکهسینی منبع ینده آرادان قالدیرماق ایستراتژیسینی قطعیت ایله حیاتا کئچیرمهیه داوام ائدهجک.
جمهور باشقانی رجب طیب اردوغان چیخیشیندا بو ایفادهلره یئر وئریب:"نه ائدیرلرسه ائتسینلر، کیمین آرخاسیندا گیزلنیرلرسه گیزلنسینلر، ترورچولار اونلاری گؤزلهین آغیر سونوجدان یاخا قورتارا بیلمهیهجکلر. بولگه میزین و اؤلکهمیزین گله جگینده ترورون هئچ بیر نؤعونه یئر یوخدور".
جمهور باشقانی رجب طیب اردوغان امریکا-دان اف-16-لارین تداروکو ایله باغلی دئییب:
"جناب جو بایدن مثبت ایرلیلییشلرین اولدوغونو سؤیلهدی.
قوزیی قیبریس تورک جمهوریتینین تورک دؤولتلری تشکیلاتینا موشاهیدچی عضو اولماسی مسئلهسینه ده توخونان جمهور باشقانی رجب طیب اردوغان بیلدیریب کی، بو قرارلا باغلی هئچ بیر یئردن، هئچ بیر اؤلکهدن ایجازه آلماغا احتیاج یوخدور. بو ایش بیتیب.
لهستانا دوشن راکت مسئلهسینه ده توخونان جمهور باشقانی رجب طیب اردوغان دئییب:
"روسیانین وئردیگی بیاناتا حؤرمت ائتمهلییم. روسیانین "بونون بیزه هئچ بیر علاقهسی یوخدور" دئمهسی بیزیم اوچون واجیبدیر. بایدن ده دئییب کی، راکتلر روسیا اوره تیمی دئییل. اما مسئله آراشدیریلمالیدیر. بیز روسیا ایله اوکراینانی عینی ماسا آرخاسیندا ایلشدیرمک ایستییریک. بئله بیر واختدا تحریکلر دوزگون آددیم دئییل".
تاخیل دهلیزی مسئلهسینه توخونان تورکیه پرزیدنتی قئید ائدیب کی، تاخیل
داشیمالاری داوام ائدیر و اینانیرام کی، داوام ائدهجک. جناب ولادیمیر پوتینله گؤروشهرک گوبره و آمونیاک داشینماسینی موذاکیره ائدجییک.