ایستانبولداکی ترور سالدیریسینین فاعلی یاخالاندی

ایستانبولون استیقلال جاده‌سینده بومبالی سالدیری حیاتا گئچیره‌ن تروریست یاخالاندی.

تروریستین اله گئچیریلدیگی عملیاتدان ایلک گؤرونتولر اورتایا چیخدی.

ایستانبول بی‌اوغلون‌دا ۶ نفرین اؤلدوگو، ۸۱ نفرین یارالاندیغی ترور سالدیریسی ایله باغلی گئنیش مقیاسلی آراشدیرمایا باشلایان پلیس، تروریستین یاخالانماسی اوچون عملیات تشکیل ائتدی.

ایچ ایشلری باخانی سلیمان سویلو استیقلال جاده‌سینده آراشدیرما آپاردیقدان سونرا بومبانی قویان شخصین توتولدوغونو آچیقلامیشدی.