غازی مصطفی کمال آتاتورکون وفاتی‌نین 84-جو ایلدؤنومودور
بو گون آتانین وفاتی‌نین 84-جو ایلدؤنومودور...
بو گون آتانین وفاتی‌نین 84-جو ایلدؤنومودور...
"آزادلیق و ایستیقلالیتی اؤزونون کاراکتئری" اعلان ائدن، بیر میللتی اسارت‌دن خلاص ائدن اولو اؤندر مصطفی کمال آتاتورکون وفاتیندان 84 ایل اؤتور.
هئچ بیتمه‌یه‌جک سس سیزلیگه بورونمه‌سینه بیر نئچه دقیقه اول دولماباخچا سارایی‌نین دهلیزلرینده "باخ، بیر تاریخ کؤچور..." سؤزلری سسلنرکن تقویم‌لر 10 نوامبر 1938-جی ایل ساعات 09:05-ی گؤستریردی.
جمهوریتین قوروجوسو مصطفی کمال آتاتورک 57 ایللیک حیاتیندا تکجه تورک میللتی‌نین قورتولوش ساواشینا (1919-1923) موفقیتله رهبرلیک ائدن بیر سرکرده کیمی دئییل، هم ده اینقیلاب‌لاری ایله دؤولت خادیمی کیمی تاریخه دوشدو.
تورکیه جمهوریتی‌نین قوروجوسو غازی مصطفی کمال آتاتورکون وفاتی‌نین 84-جو ایلدؤنومو ایله علاقه‌دار آنیت قبیرده جمهور باشقانی رجب طیب اردوغانین ایشتیراکی ایله رسمی مراسیم کئچیریلیب.
اردوغان آتاتورکون مقبره‌سی اوزرینه قیرمیزی و آغ قره‌نفیل‌لردن عبارت آی-اولدوزلو چلنگ قویوب. آتاتورکون 84 ایل اول دونیاسینی دییشدیگی ساعات 09:05-ده بیر دقیقه‌لیک سکوتلا یاد ائدیلیب، سونرا ایستیقلال مارشی اوخونوب.
جمهور باشقانی اردوغان آنیت قبیر خاطره دفترینه "عزیز آتاتورک میللتیمیزین عصرلیک خیال‌لارینی رئال‌لاش‌دیرانا قدر دایانماق یوخ‌دور، هوجوم‌لار قارشی‌سیندا تسلیم اولمایاجاغیق، موباریزه‌میزی عزم ایله داوام ائتدیرجییک" دئیه یازیب.
آتاتورکون خاطره‌سی اؤلکه داخیلینده احتیرام ایله یاد ائدیلیب، ساعات 09:05-ده اؤلکه داخیلینده وطنداش‌لار بیر دقیقه‌لیک سکوتلا اولو اؤندرین خاطره‌سینی یاد ائتدی.
