اردوغان: تاخیل داشینماسی داوام ائدهجک
جمهورباشقانی اردوغان، روسیانین اکین محصوللارینین اوکراینا لیمانلاریندان چیخیشی ایله باغلی آنلاشمالارین ایجراسینا قاتیلیمینی آسقییا آلماسینی دگرلندیردی
جمهورباشقانی رجب طیب اردوغان، تاخیل داشینماسی بحرانینین آرادان قالخدیغینی و داشینمانین اؤنجهدن پلانلاشدیریلدیغی کیمی داوام ائدجگینی بیلدیردی.
جمهورباشقانی و عدالت و قالخینما پارتیسی (آک پارتی) باشقانی اردوغان، پارتیسینین تورکیه بؤیوک میللت مجلیسی قروپ توپلانتیسیندا دانیشدی.
اردوغان، روسیانین اکین محصوللارینین اوکراینا لیمانلاریندان چیخیشی ایله باغلی آنلاشمالارین ایجراسینا قاتیلیمینی آسقییا آلماسینی دگرلندیردی.
تاخیل دهلیزی ایله باغلی دونن روسیا دؤولت باشقانی ولادیمیر پوتینله دانیشدیغینی و بو گون اوکراینا جمهورباشقانی ولودیمیر زلنسکی ایله دانیشاجاغینی بیلدیرهن جمهورباشقانی اردوغان، تاخیل دهلیزینین اسکیدن اولدوغو کیمی یئنیدن آچیلدیغینی دا آچیقلادی.
اردوغان، روسیا ساوونما باخانی سرگئی شویگونون میللی ساوونما باخانی حولوصی آکارا تلفن ائدرک، بو گون تاخیل داشینماسینین اؤنجهدن اولدوغو کیمی داوام ائدجگینی بیلدیردیگینی آچیقلادی.
روسیا ساوونما باخانلیغی ۲۹ اکتبردا، اوکراینانین، الحاق ائدیلن قیریمداکی سیواستوپول شهرینده اولان روس نظامی و نظامی اولمایان گمیلرینه سالدیری تشکیل ائتدیگینی بیلدیرمیشدی.
باخانلیغین آچیقلاماسیندا، کیئوین "بؤیوک بریتانیا متخصصلرین ایشتیراکی ایله قارا دنیز دونانماسی گمیلرینه و تاخیل دهلیزینین گوونلیگین تامین ائدن نظامی اولمایان گمیلره قارشی ترور ائیلمی گئرچکلشدیردیگینی" بیلدیرمیشدی.
آچیقلامادا،
"ترور سالدیریسینی نظره آلاراق روس طرفی، اوکراینا لیمانلاریندان اکینچیلیک محصوللارینین چیخاریلماسینا دایر آنلاشمالارین حیاتا گئچیریلمهسینه قاتیلیمینی آسقییا آلدی" ایفادهلری یئر آلمیشدی.