تورکیه و روسیا ساوونما ناظیرلری آراسیندا تلفون دانیشیغی اولوب

میللی ساوونما ناظیری حولوصی آکار روسیانین ساوونما ناظیری سئرگی شویگو ایله تلفون دانیشیغیندا تاخیل دهلیزی‌نین ساخلانماسی‌نین واجیب‌لیگینی وورغولاییب.

میللی ساوونما ناظیرلیگیندن وئریلن معلوماتا گؤره، آکار شویگو ایله تلفونلا دانیشیب.

تاخیل داشینماسی ایله باغلی سون وضعیتین موذاکیره ائدیلدیگی تلفون دانیشیغیندا ناظیر آکار بیلدیریب کی، قلوبال ارزاق بحرانی‌نین حلینه بؤیوک تحفه وئرن و جدی پروبلئم‌لرین امکداش‌لیق و دیالوقلا حل اولونا بیله جگینی گؤسترن تاخیل داشیما تشببوسو بؤیوک اهمیت کسب ائدیر. بو تشببوسه موناقیشه شرایطیندن آیری نظر سالینما‌لی‌دیر. بو، تامامیله اینسانی فعالیتی‌دیر و دایاندیریلماسی قراری یئنی‌دن دیرلندیریلمه‌لی‌دیر.