حولوصی آکار و سرگئی شویگو اوکراینا‌داکی وضعیتی موذاکیره ائدیب

میللی ساوونما ناظیری حولوصی آکار و روسیا ساوونما ناظیری سرگئی شویگو آراسیندا تلفون دانیشیغی اولوب.

ناظیرلیک‌دن وئریلن یازیلی آچیقلامادا آکار و شویگونون تلفون دانیشیغیندا ایکی طرف‌لی بولگه سل ساوونما و تهلوکه‌سیزلیک مسئله‌لری‌نین موذاکیره ائدیلدیگی بیل‌دیریله‌رک دئییلیب کی، بولگه ده تهلوکه‌سیزلیک وضعیتینی پیس‌لش‌دیره‌جک تخریبات‌لارا قارشی دقت‌لی و احتیاط‌لی داورانماق، بو جور تشببوس‌لرله باغلی ساحه‌ده کووردیناسیون و امکداش‌لیق شرایطینده ایشله‌مک باره‌ده معلومات و فیکیر موبادیله‌سی آپاریلیب.

ناظیر آکار جمهور باشقانی رجب طیب اردوغانین دفعه‌لرله بیان ائتدیگی کیمی، بؤلگه‌ده آتشکسین الده اولونماسی، باریشین تامین ائدیلمه‌سی، اینسانی یاردیم‌لارلا ثابیتلیگین برپاسی اوچون اوزرینه دوشنی ائتمه‌یه حاضیر اولدوغونو بیر داها وورغولاییب.

میللی ساوونما ناظیری حولوصی آکار اینگیلتره‌نین ساوونما ناظیری بن والاس ایله ده تلفونلا دانیشیب.

تلفون صحبتینده اوکراینا کونتکستینده باش وئرن سون حادثه‌لرله باغلی فیکیر و معلومات موبادیله‌سی آپاریلیب.