جمهور باشقانی اردوغان ژورنالیست‌لره آچیقلاما وئریب
"آذربایجانلا ائرمنیستان آراسیندا سرحدلرین معینلشمه‌سی و باریش سازیشی‌نین ایمضالانماسی بولگه‌نین نورماللاشماسی اوچون مهم آددیم اولا‌جاق".
جمهور باشقانی رجب طیب اردوغان اوکتبرین 20-ده آذربایجانا رسمی سفر ائدیب. او، آذربایجان پرزیدنتی ایلهام علی یئو ایله بیرگه زنگیلان اولوسلار آراسی هاوا لیمانی‌نین آچیلیشینی ائدیب، بیر سیرا لاییحه‌لرین تملینی قویوب.
بیر سیرا گؤروش‌لردن سونرا وطنه قاییدارکن ژورنالیست‌لره آچیقلاما وئرن دؤولت باشچی‌سی دئییب:
"آذربایجانلا ائرمنیستان آراسیندا سرحدلرین معینلشمه‌سی و باریش سازیشی‌نین ایمضالانماسی بولگه‌نین نورماللاشماسی اوچون مهم آددیم اولا‌جاق".
اونون سؤزلرینه گؤره، آذربایجان و تورکیه-نین گونئی قافقازداکی اورتاق ماراق‌لاری باریش و ثابت‌لیکله باغلی‌دیر: "اوزون ایللردن سونرا بولگه ده دایمی باریشی تامین ائتمک اوچون ایمکان‌لار یارانیب. ائرمنیستان‌دان گؤزلنتیمیز بو تاریخی فورصتی قیمتلندیرمک‌دیر. آذربایجان-ائرمنیستان موناسیبت‌لری‌نین نورماللاشماسی تورکیه-ائرمنیستان علاقه‌لرینه ده تأثیر گؤستره‌جک. قارداش آذربایجانلا امکداشلیغیمیزی "بیر میللت، ایکی دؤولت" پرینسیپی ایله داوام ائتدیرمکده اصرارلیییق".
"روسیا پرزیدنتی ولادیمیر پوتین ایندی اوولکینه نیسبتن موذاکیره‌لره داها آچیق‌دیر" دئیه بیلدیرن دؤولت باشچی‌سی دئییب کی، قارشی‌داکی گون‌لرده هم روسیا‌لی، هم ده اوکراینا‌لی همکارلاریملا تلفونلا دانیشاجاغیق. اومیدسیز دئیی‌لیک. آرزوموز هر ایکی لیدئری بیر آرایا گتیره‌رک باریش دانیشیق‌لارینی داوام ائتدیرمک‌دیر. چونکی هر ایکی طرفین جدی ایتکی‌لری وار. اینانیرام کی، باریشین مغلوبو اولمایا‌جاق.
"تاخیل سازیشی" چرچیوه‌سینده اوکتبرین 20-دک 8 میلیون تون تاریم محصولو داشییان 363 یوک گمیسی اوکراینا لیمان‌لارینی ترک ائدیب" دئیه دؤولت باشچی‌سی بیلدیریب.
اونون سؤزلرینه گؤره، بو محصول‌لارین، تخمینن، 62 %-ی آوروپا، 19،5 %-ی آسیا، 13 %-ی افریقا اؤلکه‌لری، 5،3 %-ی یاخین دوغو بازارلارینا چاتدیریلیب: "یوخسول اؤلکه‌لر جمعی 454 626 تون تاریم محصولو آلیب کی، بو دا عمومی تداروکون 5،7%-نی تشکیل ائدیر. دهلیزله اساساً قارغیدا‌لی، بوغدا، گونباخان یاغی، گونباخان شروتو صادر ائدیلیب. بو نوع تاریم محصول‌لاری‌نین عمومی صادراتدا پایی تقریباً 96% تشکیل ائدیر".
جمهور باشقانی رجب طیب اردوغان بیلدیریب کی، "تاخیل سازیشی"نین اوزادیلماسی اوچون هئچ بیر مانعه یوخ‌دور: "اوکراینا و روسیا پرزیدنت‌لری ایله دانیشیق‌لاردان سونرا بو قناعته گلدیم. دوشونورم کی، بو یولدا یارانا بیله‌جک هر هانسی مانعه آرا‌دان قال‌دیریلا بیلر".
امریکا ایله حیاتا کئچیریلن اف-16 ساتین آلما پروسه سینه ده توخونان جمهور باشقانی اردوغان ناتو-نون ساوونما ناظیرلری‌نین اؤتن هفته کئچیریلن توپلانتی‌سیندا باش کاتیب ینس استولتنبگین اف-16-لارین تورکیه-یه تحویل وئریلمه‌سی‌نین تکجه تورکیه اوچون دئییل، هم ده ناتو اوچون واجیب حادثه اولدوغونو، تورکیه نه قدر گوجلو نه قدر سرعت‌لی اولارسا ناتو-نون دا اورتا حسابلا دیری‌نین یوکسله‌جگینی خاطیرلادیب.
پروسه‌سی یاخیندان ایزله‌ین تورکیه-نین مثبت نتیجه الده ائتمک اوچون الیندن گلنی ائتمه‌یه داوام ائتدیگینی وورغولایان جمهور باشقانی اردوغان امریکا-دان باشقا دا آلترناتیو‌لری موذاکیره ائتدیک‌لرینی بیلدیریب.
ایلگیلی‌لی خبرلر
هاکان فیدان بیرلشمیش عرب امیرلیک‌لرینه سفر ائده‌جک
خاریجی ایشلر ناظری هاکان فیدان بیرلشمیش عرب امیرلیک‌لرینه رسمی سفر ائده‌جک.
