حولوصی آکار: "یونانیستان تورکیه-یه قارشی رئال اولمایان ادعا‌لار ایره‌لی سورور"

حولوصی آکار بو باره‌ده میللی ساوونما اونیورسیته سینده 2022-2023-جو تدریس ایلی‌نین باشلانماسی ایله باغلی کئچیریلن مراسیمده ائتدیگی چیخیشدا دئییب.

1889401
حولوصی آکار: "یونانیستان تورکیه-یه قارشی رئال اولمایان ادعا‌لار ایره‌لی سورور"

میللی ساوونما ناظیری حولوصی آکار یونانیستانین غیری-حربی ایستاتوس‌لو آدا‌لاری (GASA) سیلاحلاندیریلماسی ایله باغلی دئییب کی، نه میداندا، نه ده ماسا آرخاسیندا بیر آددیم گئری آتماغیمیزدان و یا گئریده قالماغیمیزدان صحبت گئده بیلمز.

حولوصی آکار بو باره‌ده میللی ساوونما اونیورسیته سینده 2022-2023-جو تدریس ایلی‌نین باشلانماسی ایله باغلی کئچیریلن مراسیمده ائتدیگی چیخیشدا دئییب.

آکار یونانیستانین اخلاق، قانون و حقیقته اویغون اولمایان چیخیش‌لار و تخریبات‌لارلا تیپیک "پیس قونشولوق" نمونه‌سی سرگیلدیگینی بیلدیریب.

"بیز اگه دنیزی‌نین ثروت‌لری‌نین اولوسلار آراسی حقوق و مهریبان قونشولوق موناسیبت‌لری چرچیوه‌سینده عدالت‌لی شکیلده بؤلوشدورولمه‌سینی ایستییریک"، دئیه آکار قئید ائدیب.

یونانیستانین تورکیه-یه قارشی رئال اولمایان ادعا‌لار ایره‌لی سوردوگونو و یاییلماجیلیک بهتانی آتدیغینی خاطیرلا‌دان آکار دئییب:

"یونانیستان بهتان و یالان سیاستی ایله اؤزونو قوربان ائتمه‌یه چالیشیر. عصرلردن بری داوام ائدن "مگالی فیکیر" وار. بونو هئچ کیم بیلمیر. اونلار اؤزلرینی قوربان و گوناه‌سیز گؤسترمه‌یه چالیشیرلار".

یونانیستان-دا معین سیاستچی‌لرین داوام‌لی اولا‌راق تورکیه علیهینه دانیشدیق‌لارینی، ایچ سیاستده یئر قازانماق اوچون یالان‌لارا ال آتدیق‌لارینی بیلدیرن میللی ساوونما ناظیری اونو دا دئییب کی، نه میداندا، نه ده ماسادا بیر آددیم گئری چکیلمییمیزدن و یا گئری قالماغیمیزدان صحبت گئده بیلمز. بیر میللیمتر گئری چکیلمه ده یوخ‌دور، بونونلا باغلی نه ائتمک لازیم‌دیرسا، ائدیلیب و ائدیلیر. حربی دنیز قوه‌لریمیز و خصوصیله حربی هاوا قوه‌لرینه بونونلا باغلی آچیق شکیلده گؤستریش وئریلیب. بیزیم بو مؤوضوع دا آنلاییش گؤسترمییمیزدن، گذشته گئتمییمیزدن صحبت گئده بیلمز.



ایلگیلی‌لی خبرلر