مصطفی شنتوپ اندونزیا-یا باش ساغلیغی وئریب
تورکیه بؤیوک میللت مجلیسی‌نین صدری مصطفی شنتوپ اندونزیادا فوتبال ماتچیندا ایزدیهامدا حیاتینی ایتیرن‌لرله باغلی باش ساغلیغی وئریب.
تورکیه بؤیوک میللت مجلیسی‌نین صدری مصطفی شنتوپ اندونزیادا فوتبال ماتچیندا ایزدیهامدا حیاتینی ایتیرن‌لرله باغلی باش ساغلیغی وئریب.
شنتوپ اندونزیانین دوغو جاوا بؤلگه‌سینده‌کی مالانگ شهرینده فوتبال ماتچیندا یاشانان ایزدیهامدا حیاتینی ایتیرن‌لره گؤره کدرلندیگینی بیلدیریب.
سوسیال مئدیا حسابیندان پای‌لاشیم ائدن شنتوپ دئییب:
"اندونزیادا فوتبال ماتچیندا هلاک اولان‌لارین خبرینی درین حزن ایله اؤیرندیک. حیات‌لارینی ایتیرن‌لرین یاخین‌لارینا و قارداش اندونزیا خالقینا درین حرن ایله باش ساغلیغی وئریرم و اومید ائدیرم کی، اؤلن‌لرین سایی آرتماز.
قئید ائدک کی، اندونزیانین مالانگ شهرینده فوتبال ماتچیندا اودوزان تیمین طرفدارلارینین ایزدیهامی و پولیسین جمعیتی داغیتماق اوچون گؤزیاشاردیجی گاز وورماسی نتیجه‌سینده باش وئرن قاریشیق‌لیقدا 174 نفر هلاک اولوب.
دیگر طرف‌دن، مصطفی شنتوپ و اونو همراهلیق ائدن پارلامئنت هئیتی، مالزیا و اندونزیایا رسمی سفرلری‌نین ایلک دایاناجاغی اولان مالزیانین پایتاختی کوالا لومپورا گئتدی.
مصطفی شنتوپ مالزیادا بیر سیرا گؤروش‌لر کئچیره‌جک، اندونزیادا کئچیریله‌جک G20 پارلامئنت صدرلری ایجلاسیندا ایشتیراک ائده‌جک.
