جمهور باشقانی اردوغانلا پوتین آراسیندا تلفون دانیشیغی اولوب

جمهور باشقانی اردوغان ایله ولادیمیر پوتین اوکراینا محاربه‌سینی موذاکیره ائدیب‌لر.

1886727
جمهور باشقانی اردوغانلا پوتین آراسیندا تلفون دانیشیغی اولوب

جمهور باشقانی رجب طیب اردوغان ایله روسیا پرزیدنتی ولادیمیر پوتین آراسیندا تلفون دانیشیغی اولوب.

جمهور باشقانلیغی ایله تیشیم ایداره‌سی‌نین یایدیغی معلوماتا گؤره، تلفون دانیشیغیندا 24 فوریه‌دن بری داوام ائدن روسیا-اوکراینا محاربه‌سی ایله باغلی سون حادثه‌لر موذاکیره ائدیلیب.

جمهور باشقانی اردوغان گؤروشده اوزون مدت‌دیر اوزرینده چالیشدیق‌لاری روسیا-اوکراینا اسیر موبادیله‌سی‌نین اوغورلا باشا چاتماسیندان و بیرلشمیش میللت‌لر تشکیلاتی‌نین دستکی ایله حاضیرلادیق‌لاری ایستانبول سازیشی‌نین فعالیتیندن ممنون‌لوغونو ایفاده ائدیب.

نوامبردا باشا چاتا‌جاق مکانیزمین مدتی‌نین اوزادیلماسی‌نین اورتاق ماراق اولدوغونو بیلدیرن دؤولت باشچی‌سی روسیا گوبره‌سی‌نین و تاخیل محصول‌لاری‌نین فاصیله‌سیز صادراتی اوزرینده ایشلرین داوام ائتدیریلدیگینی بیلدیریب.

جمهور باشقانی اردوغان داها مثبت ایرلیلییش‌لره یول آچماق اوچون گرگینلیگین آزالدیلماسی ایستیقامتینده آددیم‌لارین آتیلماسی‌نین لازیم اولدوغونو، روسیا‌دان بو پروسه‌سی آسان‌لاشدیرا‌جاق آددیم‌لار آتماسی‌نین گؤزلنیلدیگینی وورغولاییب.

روسیا پرزیدنتی پوتین‌دن دانیشیق‌لارا بیر شانس وئریلمه‌سینی ایسته‌ین جمهور باشقانی اردوغان بو پروسه‌ده یاردیمچی رول اویناماغا حاضیر اولدوق‌لارینی قئید ائدیب.

کرملین-دن گؤروشله باغلی وئریلن آچیقلامادا ایسه ایکی اؤلکه آراسیندا تیجارت و اقتصادی علاقه‌لرین سرعتله اینکیشاف ائتدیگی، تیجارت حجمی‌نین اهمیت‌لی درجه‌ده آرتدیغی، انرژی ساحه‌سینده امکداشلیغین، او جمله‌دن روسیا‌دان تورکیه-یه طبیعی گاز داشینماسی‌نین و آک کویو آتوم الکتریک سانترالی‌نین تیکینتی‌سی ساحه‌سیندکی امکداشلیغین مثبت قیمتلندیریلدیگی ایفاده ائدیلیب.



ایلگیلی‌لی خبرلر