چاووش اوغلو: "اوکراینا و روسیا گوبره‌‌سی‌نین بازارلارا گئتمه‌سی اوچون سعی گؤستریریک"

خاریجی ایشلر ناظیری مولود چاووش اوغلو اوکراینا و روسیا گوبره‌سی‌نین لازیم اولان بوتون اؤلکه‌لره گؤندریلمه‌سی اوچون سعی گؤستردیک‌لرینی بیلدیریب.

1887045
چاووش اوغلو: "اوکراینا و روسیا گوبره‌‌سی‌نین بازارلارا گئتمه‌سی اوچون سعی گؤستریریک"

خاریجی ایشلر ناظیری مولود چاووش اوغلو اوکراینا و روسیا گوبره‌سی‌نین لازیم اولان بوتون اؤلکه‌لره گؤندریلمه‌سی اوچون سعی گؤستردیک‌لرینی بیلدیریب.

مولود چاووش اوغلو تورکیه-نین دنیزلی شهرینده کئچیریلن غیری-حکومت تشکیلات‌لاری توپلانتی‌لاریندا ائتدیگی چیخیشیندا بوتون دونیادا بالانس لاشدیریلمیش خاریجی سیاست یوروتمه‌یه چالیشدیق‌لارینی و تورکیه-نین قیدا بحرانیندا اوینادیغی رولون نه قدر اهمیت‌لی اولدوغونون کئچن هفته کئچیریلن بمت عمومی ایجلاسیندا شاهیدی اولدوق‌لارینی وورغولاییب.

"خصوصاً ده تاخیل سازیشی بیزیم ایکی طرفله یاخشی بالانس لاشدیریلمیش موناسیبت‌لریمیزین و یاخشی علاقه‌لریمیزین نتیجه‌سی‌دیر. تأسف کی، بمت و دیگر اولوسلار آراسی تشکیلات‌لار تکباشینا اونلارا نایل اولماق اوچون کیفایت قدر گوجلو دئییل"، -دئیه چاووش اوغلو دئییب.

بو یاخین‌لاردا اوکراینا ایله روسیا آراسیندا اسیر موبادیله‌سینی تامین ائتدیک‌لرینی خاطیرلا‌دان چاووش اوغلو دئییب کی، ایندی بیز چالیشیریق کی، بوتون دونیانین احتیاج دویدوغو گوبره، هم اوکراینا، هم ده روسیا گوبره‌لری اولوسلار آراسی بازارلارا، احتیاج دویولان بوتون اؤلکه‌لره گئتسین.

خاریجی ایشلر ناظیری جمهور باشقانی رجب طیب اردوغانین لیدئرلیگی ایله قلوبال سیستمده اوینادیق‌لاری رول ایله دینلنیلن، پروبلئم‌لرین حلینه تحفه وئرن، و هرهانسی بیر پروبلئم اولدوغو زامان "تورکیه-نین فایداسی اولار" دئییلن اؤلکه حالینا گلیندیگینی سؤیله‌ییب.



ایلگیلی‌لی خبرلر