اردوغان: آمریکا و یونانیستانا لازیم اولان اویاریلاری وئردیک

جمهورباشقانی اردوغان دونن آخشام بعضی تلویزیون کاناللارینین اورتاق یایینیندا گوند‌می دگرلندیردی

1886001
اردوغان: آمریکا و یونانیستانا لازیم اولان اویاریلاری وئردیک

جمهورباشقانی رجب طیب اردوغان،

"آمریکادان گؤزلنتیمیز یونانیستانی یانلیش حسابلارا سؤوق ائتمه‌مه‌سی" دئدی.

جمهورباشقانی اردوغان دونن آخشام بعضی تلویزیون کاناللارینین اورتاق یایینیندا گوند‌می دگرلندیردی.

اژه دنیزینده‌کی آدالارا آمریکا زره‌لی آراجلاری گؤندریلمه‌سینی تنقید ائد‌ن اردوغان، آمریکانین ناتودا بیرلیکده اولدوغو اؤلکه‌لر آراسیندا عدالتلی داورانمادیغینا دقت چکدی. اردوغان،

"یونانیستان دا تورکیه ده ناتودادیر. بیز ناتودا ایلک بئشین ایچینده‌ییک. هم وئردیگیمیز گوجله، هم قورو قوشونلاری ایله اؤنملی بیر قونومداییق. ناتودا تورکیه و یونانیستانی مقایسه ائتمک اولماز. آمریکانین آدالارا بو قدر چوخ سلاح، آراج و تجهیزات گؤندرمه‌سی قبول ائدیلمزدیر" دئدی.

جمهورباشقانی،

"آمریکادان گؤزلنتیمیز یونانیستانی یانلیش حسابلارا سؤوق ائتمه‌مه‌سی و اولوسلارآراسی توپلومون تحریک ائدیلمه‌سینه ایمکان وئرمه‌مه‌سیدیر. خاریجی ایشلر باخانلیغیمیز واسطه‌سی ایله آمریکا و یونانیستانا لازیم اولان اویاریلاری ائتدیک. بیرلشمیش میللتلر تشکیلاتینا سون مکتوبوموزو دا ۱۷ سپتامبردا گؤندردیک" ایفاده‌لرینی ایشلتدی.

آمریکاین گونئی قیبریسا سلاح تحریمینی لغو ائتمه‌سینین نه مضمون و نه زامانلاما باخیمین‌دان هئچ بیر ایضاحی اولمادیغینی قید ائد‌ن اردوغان،

"بو سون آددیمین جاوابسیز قالمایاجاغینی، قیبریس تورکلرینین گوونلیگی اوچون هر جور تدبیرین گؤروله‌جگینی هر کس بیلمه‌لیدیر" دئدی.



ایلگیلی‌لی خبرلر