جمهورباشقانی اردوغان، زلنسکی ایله تلفندا دانیشدی
اردوغان، ساواشین باریشجیل دانیشیقلار یولو ایله حلی اوچون لازیم اولان هر جور قاتقینی وئرمه‌یه حاضر اولدوقلارینی سؤیله‌دی
جمهورباشقانی رجب طیب اردوغان ایله اوکراینا دؤولت باشقانی ولودیمیر زلنسکی آراسیندا تلفون دانیشیغی گئرچکلشدی.
ایله‌تیشیم باشقانلیغیندان وئریله‌ن آچیقلامایا گؤره، تلفن دانیشماسیندا ۲۴ فوریه‌دن بو یانا داوام ائد‌ن روسیا-اوکراینا ساواشی ایله باغلی گلیشمه‌لر دگرلندیریلدی.
جمهورباشقانی اردوغان دانیشمادا، روسیا ایله اوکراینا آراسیندا اوزون مدتدیر اوزرینده چالیشدیقلاری اسیر دییشیمینین اوغورلا باشا چاتماسیندان چوخ ممنون اولدوغونو بیلدیردی.
اوکراینا تاخیلینین قارا دنیز اوزریندن صادراتینا دایر آنلاشمانین ایشله‌دیگینی بیلدیره‌ن اردوغان، بنزر بیر یاناشیمین زاپوریژیا نۆوه مرکزی باغلامیندا دا تطبیق اولونابیله‌جگینی، نۆوه مرکزینین اطرافیندا عسگردن آریندیریلمیش بیر بؤلگه‌نین قورولماسی اوچون لازیم اولان آرا‌چیلیق تکلیفینین گئچرلی اولدوغونو دیله گتیردی.
اوکراینانین بعضی بؤلگه‌لرینده روسیانین کنترلو آلتینداکی بعضی بؤلگه‌لرینده بیر طرفلی خالق اویلاماسی گئچیریلمه‌سینین دیپلوماتیک پروسه‌سین جانلاندیریلماسی چابالارینی چتینلشدیرجگینی دا بیلدیرن جمهورباشقانی اردوغان، ساواشین باریشجیل دانیشیقلار یولو ایله حلی اوچون لازیم اولان هر جور قاتقینی وئرمه‌یه حاضر اولدوقلارینی سؤیله‌دی.
ایلگیلی‌لی خبرلر
پرزیدنت اردوغان مارک روته ایله تلفونلا دانیشیب
جمهور باشقانی رجب طیب اردوغان ناتونون باش کاتیبی مارک روته ایله تلفون دانیشیغی آپاریب.
هاکان فیدان اوکراینا‌لی همکاری ایله آنکارادا گؤروشدو
تورکیه‌نین خاریجی ایشلر ناظیری هاکان فیدان، اوکراینانین ساوونما ناظیری روستم عمروولا گؤروشوب.
