داها 23 ترورچو ضررسیزلشدیریلیب
تورکیه-نین ترورلا موباریزه‌سی داوام ائدیر.
سوریه-نین قوزیی ینده "باریش چشمه‌سی" عملیاتی بؤلگه‌سینده بؤلوجو ترور تشکیلاتی پ.کا.کا/ی.پ.گ عضوو 6 ترورچو ضررسیزلشدیریلیب.
میللی ساوونما ناظیرلیگیندن وئریلن آچیقلامادا "دایانماق، یورولماق یوخ‌دور، موباریزه‌یه داوام. قهرمان کماندولاریمیز باریش بولاغی عملیاتی بؤلگه‌سینده آشکارلادیق‌لاری 6 پ.کا.کا/ی.پ.گ ترورچوسونو ضررسیزلشدیریب. ترورچولاری قازدیق‌لاری سنگرلرده باسدیرماغا داوام ائدجییک"، - دئیه بیلدیریلیب.
دیگر طرف‌دن، تورکیه سلاحلی قوه‌لری‌نین شانلی اورفا ویلایتی‌نین سوروچ قصبه‌سینده 1 عسگرین شهید اولدوغو هوجومدان سونرا حیاتا کئچیردیگی "جزالاندیرما آتیش‌لاری" نتیجه‌سینده آرا‌لاریندا هوجومو ائدن‌لرین ده اولدوغو 17 ترورچو ضررسیزلشدیریلیب.
تورکیه میللی ساوونما ناظیرلیگی‌نین سوسیال مئدیا حسابیندان ائدیلن پای‌لاشیمدا "شهیدیمیزین قانینی یئرده قویمادیق، قویمایاجاغیق دا! سوروچ/شانلی اورفادا قهرمان عسگریمیزی شهید ائدن ترورچولارا قارشی آچیلان جزالاندیرما آتیش‌لاریندا 80-ا یاخین هدف محو ائدیلیب، عمومی‌لیکده 17 ترورچو ضررسیزلشدیریلیب" ایفاده‌لردن ایستیفاده ائدیلیب.
خاطیرلاداق کی، شانلی اورفا ویلایتی‌نین سوروچ قصبه‌سی سرحد پولیس ایداره‌سینده وظیفه‌لی عسگر دونن سوریه سرحدینده ترورچولارین حیاتا کئچیردیگی راکت آتشی نتیجه‌سینده شهید اولوب، بیر عسگر ایسه یارالانیب.
