جمهور باشقانی رجب طیب اردوغانین یونانیستانا خبردارلیغی

جمهور باشقانی اردوغان چاتدیرماق ایسته‌دیگی مئساژین چوخ آچیق اولدوغونو وورغولاییب

بونو جمهور باشقانی رجب طیب اردوغان بوسنیا-هرزگوینا، صربیستان و کرواسی-دن قاییدارکن اوچاقدا ژورنالیست‌لرین سوال‌لارینی جاوابلاندیرارکن دئییب.

داها اول یونانیستانلا باغلی سسلندیردیگی "بیر گئجه قفلتن گله بیلریک" ایفاده‌سی ایله باغلی سوا‌لی جاوابلان‌دیران جمهور باشقانی اردوغان چاتدیرماق ایسته‌دیگی مئساژین چوخ آچیق اولدوغونو وورغولاییب:

"یونانیستانین تورکیه-یه قارشی سون موناسیبتی آچیقلاماسی یوخدور. بیر طرف‌دن اونلارین اگه-ده تؤرتدیک‌لری قانون پوزونتولاری وار، بعضی‌لری ناتو وظیفه‌لرینی یئرینه یئتیرن اوچاق لاریمیزا قارشی تعقیب‌لر وار، اس-300 راکت سیستم‌لریله رادار کیلیدلنمه‌سینه قدر موداخیله‌لر وار. بیزیم اس-400 حادثه‌میز حاقیندا دانیشان‌لاردان یونانیستانین اس-300-لری حاقیندا نسه ائشیت می سینیزمی؟ اس-300-لر ده روسیانین، اس-400-لر ده. اما بونا هئچ بیر سؤز یوخ‌دور. عکسینه حربی ایستاتوسا، سیلاحلانماغا داوام ائدیرلر".

امریکانین یونانیستان-دا پایگاه قورماسینا توخونان جمهور باشقانی اردوغان بیرلشمیش میللت‌لر تشکیلاتی‌نین باش عمومی ایجلاسینا گئتدیگی زامان (20-26 سپتامبر) امریکا پرزیدنتی جو بایدن ایله گؤروشمک و بو مؤوضوع لاردا دانیشماق فورصتی تاپاجاغینی بیلدیریب.

یونانیستانین اگه و دوغو آغ دنیزینده تورکیه-یه تطبیق ائتمه‌یه چالیشدیغی ماکسیمالیست تز‌لرین اولدوغونو آچیقلایان دؤولت باشچی‌سی دنیزدیبی اراضی‌لری باره‌ده ایسه بئله دئییب:

"بونون دا قبول ائدیله‌جک هئچ بیر طرفی یوخ‌دور. تورکیه ایله تکبتک دانیشماق عوضینه بمت-ده، امریکادا، آوروپا بیرلیگینده و حتی ان گوجلو عضوو اولدوغوموز ناتو-دا داوام‌لی اولا‌راق بیزدن شیکایت ائده‌رک تهدید مکانیزم‌لری ایشله‌دیرلر. قبول ائتمک مومکون دئییل. اونلارلا دوشه‌جک‌لری دیلده دانیشیریق. من باشا دوشورم کی، اونلار دا باشا دوشورلر".