آلکساندر ووچیچ :"هر کسین تورکیه-یه گئتمه‌سینی توصیه ائدیرم"

آلکساندر ووچیچ "هر کسین تورکیه-یه گئتمه‌سینی توصیه ائدیرم. دوشونورم کی، هر کس بو بؤیوک اؤلکه‌نین اردوغانین رهبرلیگی آلتیندا نه لره نایل اولدوغونو گؤرمه‌لی‌دیر" دئییب.

1877396
آلکساندر ووچیچ :"هر کسین تورکیه-یه گئتمه‌سینی توصیه ائدیرم"

صربیستان پرزیدنتی آلکساندر ووچیچ دونن اؤلکه‌سینده سفرده جمهور باشقانی رجب طیب اردوغانلا بیرگه مطبوعات کنفرانسیندا چیخیش ائدیب.

آلکساندر ووچیچ "هر کسین تورکیه-یه گئتمه‌سینی توصیه ائدیرم. دوشونورم کی، هر کس بو بؤیوک اؤلکه‌نین اردوغانین رهبرلیگی آلتیندا نه لره نایل اولدوغونو گؤرمه‌لی‌دیر" دئییب.

جمهور باشقانی اردوغانین بالکان اؤلکه‌لرینه سفری‌نین آرابولوجولوق خصوصیتی داشیدیغینی قئید ائدن ووچیچ اردوغانین صمیمی و باریش ‌سئور باجاریغینی دا وورغولاییب.

جمهور باشقانی اردوغانا صمیمیتینه و بؤلگه‌یه وئردیگی اؤنمه گؤره تشککور ائدن ووچیچ "تورکیه-‌یه حرمت و ماراق گؤستریریک، بورادا اؤزونوزو ائوینیزدکی کیمی حیس ائدین. هر کسین تورکیه-یه گئتمگی توصیه ائدیرم. هامی گؤرمه‌لی‌دیر کی، بو بؤیوک اؤلکه نه لره قادیر اولوب" دئیه وورغولاییب.

آلکساندار ووچیچ سؤزلرینه داواملا دئییب کی، تورکیه ایله بیر چوخ ساحه‌ده لاییحه‌لر حیاتا کئچیرمیشیک. ساوونما صنایعسی ساحه‌سینده ده امکداش‌لیقلا باغلی مراجعت‌لریمیز اولوب. صربیستان تورکیه اوره تیمی اولان "بایراکتار" اینسانسیز هاوا آراجی آلماق ایستییر و اومید ائدیریک کی، گلن ایل الده ائدجییک.

صربیستان لیدئری سوسیال مئدیا حسابیندا جمهور باشقانی رجب طیب اردوغانین اؤلکه‌سینه سفرینی ده دیرلندیریب.

تورکیه ایله صربیستان آراسیندا کیملیک ایله گئدیش-گلیشی تامین ائده‌جک پروتوکولا اردوغانین پای‌لاشیمینی دا داخیل ائدن ووچیچ "جمهور باشقانی اردوغانی قوناق ائتمک هر زامان بؤیوک شرف و ایمتیازدیر" دئییب.

تورکیه-صربیستان موناسیبت‌لرینی معاصر تاریخین ان یوکسک سویه‌سینه قالدیردیق‌لارینی وورغولایان ووچیچ "عزیز دوستوم رجب طیب اردوغانا تشککور ائدیرم" ایفاده‌لردن ایستیفاده ائدیب.



ایلگیلی‌لی خبرلر