اردوغان: آوروپا قیشدا جدی پروبلئملرله اوزلشهجک
جمهورباشقانی رجب طیب اردوغان، بالکان اؤلکهلرینه سفریندن اؤنجه اسنبوغا هاوا لیمانیندا آچیقلامالار وئردی
جمهورباشقانی رجب طیب اردوغان، روسیایا قارشی تطبیق ائدیلهن تحریملرین یاراتدیغی انرژی بحرانی ایله باغلی:
"آوروپا قیشدا جدی پروبلئملرله اوزلشهجک. حاضردا بیزیم طبیعی گازلا باغلی پروبلئمیمیز یوخ" دئدی.
جمهورباشقانی رجب طیب اردوغان، بالکان اؤلکهلرینه سفریندن اؤنجه اسنبوغا هاوا لیمانیندا آچیقلامالار وئردی.
اردوغان، تورکیه ایله بالکان اؤلکهلری آراسیندا گوجلو ایلیشکیلرین اولدوغونو بیلدیردی.
''تورک امکداشلیق و کووردیناسییاون آژانسییمیز (تیکا)، یونوس امره انستیتوسو، معاریف وقفی، تورک هاوا یوللاری، تورکیه رادیو و تلویزییون قورومو (ترت) و بلدیهلریمیز حیاتا گئچیردیکلری پروژهلرله بو جغرافیانین ایقالخینماسینا دستک وئریرلر. ژوئن آییندا فعالیته باشلایان ترت بالکان خبر پلاتفورمونون بؤلگه دیللریندهکی یاییملاری ایله اؤنملی بیر بوشلوغو دولدوردوغونو گؤروروک. دؤولتیمیزین قوروملاری ایله یاناشی، مدنی قورولوشلاریمیزین و ایش دونیامیزین دا بیزی غرورلاندیران ایشلر گؤرمهسی بیزی سئویندیریر" دئیه دانیشدی.
اردوغان گئچیرجگی بوتون گؤروشمهلرده بوسنی و هرزگوینین تورپاق بوتؤولوگو و اگمنلیگینه اولان دستگینی وورغولایاجاغینی بیلدیردی.
۲۴ فوریهدن اعتباراً داوام ائدن روسیا-اوکراینا ساواشی و روسیایا تطبیق ائدیلهن تحریملرین یاراتدیغی انرژی بحرانینا توخونان رجب طیب اردوغان: ''آوروپا قیشدا جدی پروبلئملرله اوزلشهجک. حاضردا بیزیم طبیعی گازلا باغلی پروبلئمیمیز یوخدور'' دئدی.
یونانیستانین تورک اوچاقلارینا ساتاشماسینا دا توخونان جمهورباشقانی: "حساسیتیمیز قرارلیلیقلا داوام ائدیر. یونانیستان بونون فرقیندهدیر و بونا گؤره حرکتلرینی دۆزلتمهمهیه باشلادی" ایفادهلرینی ایشلتدی.
