تورکیهنین دیپلوماتیک گیریشیملری کیتابلاشدیریلدی
کیتابدا، تورکیهنین، باریشین قورولماسینا و چاتیشمالارین سونلاندیریلماسینا قارشی مرکزی، چوخ یؤنلو و استقرارلاشدیریجی رولو ایضاح ائدیلیر
جمهورباشقانلیغی ایلهتیشیم باشقانلیغی طرفیندن حاضیرلانان "بؤلگهسل امکداشلیق و استقرارین گوجلندیریلمهسینده تورکیهنین مرکزی رولو" کیتابی یاییملاندی.
تورکیهنین، باریشین قورولماسینا و چاتیشمالارین سونلاندیریلماسینا قارشی مرکزی، چوخ یؤنلو و استقرارلاشدیریجی رولونون ایضاح ائدیلدیگی کیتابدا، جمهورباشقانی رجب طیب اردوغانین لیدئرلیگینده تورکیهنین، گیریشیمچی و اینسانی خاریجی سیاستی سایهسینده گئرچکلشدیردیگی گیریشیملر یئر آلیر.
کیتابین بیرینجی بؤلومونده تورکیهنین روسیا-اوکراینا ساواشینی دیپلوماتیک یوللارلا بیتیرمک گیریشیملریندن بحث ائدیلیر.
ایکینجی بؤلومده تورکیهنین، اوکراینا تاخیلینین قارادنیزدن اوکراینا تاخیلینین تهلوکهسیز شکیلده گئچمهسی اوچون تاخیل و یئمک مادهلرینین اوکراینا لیمانلاریندان تهلوکهسیز داشینماسی گیریشیمی بلگهسینین ایمضالانماسی پروسهسیندهکی رولو اله آلینیر.
اوچونجو بؤلومده، تورکیهنین سوریهدهکی حاکمیت بوشلوغوندان ایستیفاده ائدن ترور هؤرگوتلرینین بؤلگه اؤلکهلری اوچون تهلوکه یاراتماسینی انگللهمه چابالاری ایضاح ائدیلیر.
دؤردونجو بؤلومده، دوغو آغدنیزده تورکیهنین اولوسلارآراسی حقوقدان ایرلی گلن، حقانیت تملینه دایانان اؤز حاقلارینی قورورکن، عینی زاماندا قونشو اؤلکهلرله چاتیشمازلیق اورتامینی قورویابیلمهسیندهکی باشاریسی یئر آلیر.
سونو بؤلومده تورکیهنین آذربایجانلا ارمنیستان آراسینداکی ایلیشکیلرین نورماللاشماسی گیریشیملری، باکی ایله تورکیه آراسیندا بیرباشا نقلیاتین تامین ائدیلمهسی چابالاری قونو ائدیلیر.
تورکجه و روسجا حاضرلانان کیتابدا بو قونولارین اولوسلارآراسی مئدیاد یانسیمالارینا، تورکیهنین لهینه و علیهینه آپاریلان تأثیر کمپینلری، مؤوضوع ایله باغلی گئرچکلشدیریلن دزاینفورماسییون و مانیپولاسیون گیریشیملرینه ده یئر وئریلیر.
ایلهتیشیم باشقانی فخرئتالین آلتون، چالیشما ایله باغلی دیرلندیرمهسینده، تورکیهنین اینسان مرکزلی دیپلوماسی یاناشماسینین بوتون دونیا اؤلکهلری طرفیندن تقدیر ائدیلدیگینی ایفاده ائتدی.