سلیمان سویلو و مورات کوروم پاکیستان-دا
تورکیه-نین ایچ ایشلر ناظیری سلیمان سویلو و اطراف موحیط، شهرسالما و ایقلیم دییشیکلیگی ناظیری مورات کوروم داشقینلاردان اذیت چکن پاکیستانا سفر ائدیبلر.
تورکیه-نین ایچ ایشلر ناظیری سلیمان سویلو و اطراف موحیط، شهرسالما و ایقلیم دییشیکلیگی ناظیری مورات کوروم داشقینلاردان اذیت چکن پاکیستانا سفر ائدیبلر.
جمهور باشقانی رجب طیب اردوغانین گؤستریشی ایله پاکیستانا سفر ائدن ایچ ایشلر ناظیری سلیمان سویلو و اطراف موحیط، شهرسالما و ایقلیم دییشیکلیگی ناظیری مورات کوروم ایسلام آباد اولوسلار آراسی هاوا لیمانیندا اؤلکهنین ایچ ایشلر ناظیری رعنا ثنا الله خان، ایقلیم دییشیکلیگی ناظیری شری رحمان و پلانلاشدیرما، اینکیشاف و اصلاحاتلار ناظیری احصان اقبال طرفیندن قارشیلانیبلار.
سلیمان سویلو بورادا وئردیگی آچیقلامادا جمهور باشقانی رجب طیب اردوغانین پاکیستان اوچون دعا ائتدیگینی ایفاده ائدیب.
"بو گون 90 مین مسجیدده پاکیستان-لی باجی و قارداشلاریمیز اوچون دعالار ائدیلهجک و دستک ایستنیلهجک"،-دئیه سلیمان سویلو وورغولاییب.
پاکیستانا ایندییه قدر 11 اوچاق ایله چادیر، ارزاق و داوا گؤندریلدیگینی بیلدیرن سلیمان سویلو 2-جی یاردیم قاطارینین 5-6 گون عرضینده بؤلگهده اولاجاغینی قئید ائدیب.
"بیز قارداشلاریمیزین یانیندا اولماغا داوام ائدجییک. یاردیم کؤرپوسو هم قاطارلا، هم ده هاوا یولو ایله پاکیستانلی قارداشلاریمیز "کیفایتدیر" دئینه قدر داوام ائدهجک"،-دئیه تورکیه-نین ایچ ایشلر ناظیری وورغولاییب.