فخرالدین آلتون، آپا خبر آژانسینین سواللارینی جاوابلادی

"بو گئدیشله تورکیه‌نین آوروپا بیرلیگینه عضولوک دانیشیقلارینین یئنیدن سرعت قازانماسی احتمالی وار"

1874848
فخرالدین آلتون، آپا خبر آژانسینین سواللارینی جاوابلادی

جمهورباشقانلیغی ایله‌تیشیم باشقانلیغی فخرالدین آلتون، ۲۲ جولایدا تورکیه‌نین ائو صاحب‌لیگی ایله اوکراینا و روسیا ایله ایمضالانان تاخیل آنلاشماسی سایه‌سینده قلوبال ارزاق بحرانینین قارشی‌سی آلیندیغینی بیلدیردی.

فخرالدین آلتون اتریش مرکزلی آپا خبر آژانسینین سواللارینی جاوابلاندیردی.

ایله‌تیشیم باشقانی فخرالدین آلتون، تورکیه‌نین ۲۴ فوریه‌دن بری بیر بیری ایله ساواشدا اولان روسیا و اوکراینا آراسیندا دیپلوماتیک و باریشجیل حل یولو تاپماق اوچون چالیشماغا حاضر اولدوغونو بیلدیردی.

تاخیل دالانی آنلاشماسینا توخونان آلتون:

"ایندییه قدر اسکیکسیز ایشله‌یه‌ن مکانیزم بیزی داها جامع گیریشیملر اوچون جسارتلندیریر" دئدی.

آلتون، کۆره‌سل گلیشمه‌لرین تورکیه ایله آوروپا بیرلیگینی یاخینلاشدیردیغینی دا بیلدیررک،

"بو گئدیشله تورکیه‌نین عضولوک دانیشیقلارینین یئنیدن سرعت قازانماسی تعجب‌ دوغورمایاجاق" ایفاده‌سینی ایشلتدی.

آلتونا فنلاند و سوئدین ناتویا عضولوک مراجعتلری ده سوروشولدو.

ایله‌تیشیم باشقانی، ایکی دؤولتین تورکیه‌نین گوونلیگی ایله باغلی صمیمی بیر توتوم سرگیله‌ییب سرگیله‌مه‌دیگینی گؤرمک ایسته‌دیکلرینی سؤیله‌دی.



ایلگیلی‌لی خبرلر