اردوغان: یونانیستان، ناتو و متفیقلرینه میدان اوخوموشدور
"یونانیستان، نه سیاسی، نه اقتصادی، نه ده حربی اولاراق سویه‌میزده دئییل"
جمهورباشقانی رجب طیب اردوغان،
"یونانیستان، هاوا ساحه‌میزی، اوچاقلاریمیزا ساتاشمایلا باشلایان دوشمنجه توتومونو اس-۳۰۰ رادار کیلیدی آتما سویه‌سینه چیخارداراق ناتو و متفیقلرینه میدان اوخوموشدور" دئدی.
جمهورباشقانی اردوغان، ۳۰ آگوست ظفر بایرامی موناسیبتی ایله تشکیل اولونان کونسرت‌ده دانیشدی.
"بؤیوک تعرضون (سالدیرینین)" آرالاریندا یونانلیلارین دا اولدوغو دوشمن عسگرلرینه قارشی موباریزه‌نین سون مرحله‌سی اولان ظفر بایرامینین ۱۰۰.جو ایلینین قوتلاندیغینی خاطیرلادان اردوغان، یونانیستانلا بو گونلرده یاشانان گرگینلیگیه ده توخوندو. اردوغان،
"یونانیستان، نه سیاسی، نه اقتصادی، نه ده حربی اولاراق سویه‌میزده دئییل" دئیه‌رک،
"ائله بیر عصر اول اولدوغو کیمی بو گون یونانیستان‌ی قوللاناراق اؤلکه‌میزین واختینی و انرژی‌سینی بوش یئره صرف ائتمه‌یه چالیشانلارین اصل نیتلرینی بیلیریک.
یونانیستان، هاوا ساحه‌میزی، اوچاقلاریمیزا ساتاشمایلا باشلایان دوشمنجه توتومونو اس-۳۰۰ رادار کیلیدی آتما سویه‌سینه چیخارداراق ناتو و متفیقلرینه میدان اوخوموشدور. آمریکا، بیزه وئرمه‌دیگی اف۳۵-لری یونانیستانا هدیه ائدرک، روس هاوا ساوونما سیستملرینین بو اوچاقلارلا عینی چووالا گیرمه‌سینین یولونو اؤز الی ایله آچمیشدیر. بیزه اف-۳۵ وئرمیرلرمیش، (روسیادان) آلدیغیمیز ساوونما سیستملرینه (اس-۴۰۰) تپکی وئریرلرمیش، اوموروموزدا دئییل. بیزدن اسیرگه‌نن هر اۆرونو اۆره‌تمک قابیلیتیمز وار" دئدی.
ایلگیلی‌لی خبرلر
پ‌کاکا عضوو ۲ تروریست ضررسیز حالا گتیریلدی
چاتیشما سونراسیندا قاچابیلمه‌یه‌جگینی آنلایان تروریستلر ماشینلا بیرگه اؤزلرینی پاتلاتدی
