تورک اف 16-لارینا یونان اوچاق لاری ساتاشدی
تورکیه-نین ساواش اوچاق لاری یونانیستانا مخصوص "اف-16" قیریجی‌لاری طرفیندن ناراحات ائدیلدی.
دوغو آغ دنیزینده ناتو میسیونونو یئرینه یئتیرن تورکیه-نین ساواش اوچاق لاری ناتو عضوو یونانیستانا مخصوص اف-16 اوچاق لاری طرفیندن تعقیب ائدیله‌رک (رادار کیلیدی) تجاووزه معروض قالیب.
تورکیه میللی ساوونما ناظیرلیگیندکی منبع‌لردن الده ائدیلن معلوماتا گؤره، یونانیستانا مخصوص ساواش اوچاقلاری تورکیه ساواش اوچاق لارینین ناتو-نون مهم میسیونونو یئرینه یئتیرمه‌سی‌نین قارشی‌سینی آلماق اوچون بیله‌رک‌دن تعقیب ائدیلیب.
یونانیستانین بو تعقیبی‌نین ناتو-نون فعالیت‌لرینی هدفه آلماق جهدی اولدوغونو قئید ائدن قایناق‌لار یونانیستانین تورکیه-نی سیخیش‌دیرماق اوچون ناتو میسیونونو بئله ریسکه آتماق‌دان چکینمه‌دیگینی وورغولاییب.
یونانیستانین تورکیه-یه مخصوص ساواش اوچاق لارینی تعقیب ائتمه‌سیندن درحال سونرا لازیمی جاواب وئریلدیگی و یونانیستان اوچاق لارینین بؤلگه‌دن چیخاریلدیغی اؤیرنیلیب.
تورکیه میللی ساوونما ناظیرلیگی طرفیندن مسئله‌نین ناتو یئتکیلیلرینه چاتدیریلدیغی و یونانیستان حربی نوماینده‌سی‌نین ناظیرلیگه چاغیریلا‌راق ناتو میسیونونو تهلوکه آلتینا آلان یونانیستان اوچاق لارینا رئاکسیا وئریلدیگی قئید ائدیلیب.
تورکیه خاریجی ایشلر ناظیرلیگی‌نین مووافیق طرف‌لرله دیپلوماتیک تشببوس‌لر آپاردیغی دا بیلدیریلیب.
بو جور تعقیبین متفیقلیق آنلاییشی ایله اوست-اوسته دوشمه‌دیگینی وورغولایان قایناق‌لار یونانیستانین گرگین‌لیگی آرتیرماغا چالیشدیغینا دقت چکیب‌لر.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
