اردوغان اوکراینایا گئتدی

جمهورباشقانی رجب طیب اردوغان، اوکراینا دؤولت باشقانی ولادیمیر زلنسکینین دعوتی ایله لویوه گئتدی

1869352
اردوغان اوکراینایا گئتدی

جمهورباشقانی رجب طیب اردوغان، اوکراینا دؤولت باشقانی ولادیمیر زلنسکینین دعوتی ایله رسمی گؤروشمه‌لر اوچون لویوه گئتدی.

اردوغانی باشکند آنکاراداکی اسن‌بوغا هاوا لیمانیندان جمهورباشقانی یاردیمچیسی فواد اوکتای و آنکارا والی یاردیمچیسی عبدالله دؤله‌ک ایله دیگر مسئوللار اوغورلادی.

خاریجی ایشلر باخانی مؤولود چاووش‌اوغلو، انرژی و طبیعی قایناقلار باخانی فاتح دؤنمز، میللی ساوونما باخانی حولوصی آکار، تاریم و اورمانچیلیق باخانی واحد کیریشچی، تیجارت باخانی محمد موش، میللی استخبارات تشکیلاتی باشقانی حاکان فیدان، ایله‌تیشیم باشقانی فخرالدن آلتون، جمهورباشقانلیغی سؤزچوسو ابراهیم قالین، جمهورباشقانلیغی ساوونما صنایعی باشقانی اسماعیل دمیر، عدالت و قالخینما پارتیسی باشقان یاردیمچیسی و پارتی سؤزچوسو عمر چئلیک و بایکار باش مودورو حالوک بایراکتار بو سفرده جمهورباشقانی اردوغانا مشایعت ائدیر.جمهورباشقانلیغی ایله‌تیشیم باشقانلیغیندان وئریله‌ن آچیقلامایا گؤره، جمهورباشقانی اردوغانین اوکراینالی قونومداشی ایله گؤروشمه‌لرینده استراتژیک اورتاقلیق سویه‌سینده تورکیه-اوکراینا ایلیشکیلرینین بوتون یؤنلری دگرلندیریله‌جک.

سفر سیراسیندا، زلنسکی و بیرلشمیش میللتلر تشکیلاتینین باش کاتیبی آنتونیو گوترش ایله اوچلو گؤروشمه گئرچکلشدیرمه‌سی ده اؤن گؤرولور.

سؤزوگئدن گؤروشمه‌ده اوکراینا تاخیلینین دونیا بازارلارینا صادراتی اوچون یارادیلمیش مکانیزمین فعالیتینین آرتیریلاراق داوام ائتمه‌سی ایله ۲۴ فوریه‌دن بری داوام ائد‌ن اوکراینا-روسیا ساواشینین دیپلوماتیک یوللارلا دوردورولماسی اوچون آتیلاجاق آددیملار موذاکیره اولوناجاق.

 

 



ایلگیلی‌لی خبرلر