عبدالحمید خان گمیسی قازما ایشلرینه باشلادی

انرژی و طبیعی قایناقلار باخانی فاتح دؤنمز، تورکیه‌نین ۴.جو سونداژ گمیسی "عبدالحمید خان"ین یؤروکلر-۱ قویوسوندا قازما ایشلرینه باشلادیغینی بیلدیردی.

دؤنمز سوسیال مئدیا حسابیندان، عبدالحمید خان گمیسی ایله باغلی مئساژ پایلاشدی.

گمینین سون وضعیتی ایله باغلی بیلگی وئره‌ن دؤنمز، "عبدالحمید خان" سونداژ گمیمیز بو گون یؤروکلر-۱ قویوسوندا ایلک قازما ایشلرینه باشلادی. قارادنیزین سئوینجینی بو سفر آغ‌دنیز‌ده‌کی موشتولوقلارلا یاشاتماق عزمینده‌ییک. مهندسلریمیزین آلین تری و میللتیمیزین دعالاری ایله گمیمیزین بختی آچیق و قازما ایشی برکتلی اولسون" ایفاده‌لرینی ایشلتدی.

"عبدالحمید خان" گمیسی ۹ آگوسدا جمهورباشقانی رجب طیب اردوغانین دا قاتیلدیغی مراسیمله ایلک وظیفه یئری یؤروکلر-۱ قویوسونا یولا سالینمیشدی.

باخان دؤنمز، گمینین ۱۰ آگوسدا چالیشما بؤلگه‌سینه چاتدیغینی بیلدیرمیشدی.