حولوصی آکار: "بیز ایشغال حرکتی حیاتا کئچیرمیریک، ترورلا موباریزه آپاریریق"

میللی ساوونما ناظیری حولوصی آکار پایتاخت آنکارادا کئچیریلن 13-جو سفیرلر کنفرانسی‌نین ایکینجی گونونده آچیقلاما وئریب.

1865699
حولوصی آکار: "بیز ایشغال حرکتی حیاتا کئچیرمیریک، ترورلا موباریزه آپاریریق"

"ترور بؤلگه‌لرینده‌کی عملیات‌لاریمیزین هئچ بیری ایشغال حرکتی دئییل. ترورچولارلا موباریزه آپاریریق. تک هدفیمیز ترورچولاردیر. اونلارا قارشی موباریزه‌میزی داوام ائتدیریریک".

بونو میللی ساوونما ناظیری حولوصی آکار پایتاخت آنکارادا کئچیریلن 13-جو سفیرلر کنفرانسی‌نین ایکینجی گونونده وئردیگی آچیقلامادا دئییب.

ناظیر آکار عراق-ین قوزیی ینده "پنجه-کیلید" عملیاتی بؤلگه‌سینده ضررسیزلشدیریلن ترورچولارین سایی‌نین 311 اولدوغونو بیلدیریب:

"عراق-ین قوزیی ینده‌کی  اراضی چوخ کسکین‌دیر، عسگرلریمیز 83 درجه فرقی اولان یئرلرده ترورلا موباریزه آپاریر. میللتیمیزی ترور بلاسیندان قورتارماقدا قرارلییک. "پنجه-کیلید" عملیاتی سون حلقه دیر. بونونلا دا 26 کیلومترلیک خط تاماملانمیش اولا‌جاق. ترورچو هاردا‌دیرسا هدفیمیز اورا‌دیر. "پنجه-کیلید" عملیاتی بؤلگه‌سینده ضررسیزلش‌دیریلن ترورچولارین سایی 311 اولوب.

بوندان سونرا نه‌ین باهاسینا اولورسا اولسون ترور دهلیزینه ایجازه وئرمه‌یه‌جییک. هارادا ترورچو وارسا، هدفیمیزدیر. متفق لریمیزدن وعدلرینی یئرینه یئتیرمه‌لرینی گؤزلییریک.

ترورچولارین رژیمین تضییقی آلتیندا اولان گوناه‌سیز سوریه-لیلارین اؤز تورپاق‌لارینا تهلوکه‌سیز قاییتماسی باخیمیندان عملیات‌لاریمیزین اهمیتینی گؤردوک" .

حولوصی آکار تورکیه-‌نین دیپلوماتیک آددیم‌لاری ایله حل اولونان تاخیل بحرانیندان سونرا اوکراینا لیمانلاریندان‌ حرکت ائدن گمی‌لرله باغلی دئییب:

"محاربه وار، اما بو اینسانی مسئله‌نی حل ائتمک لازیم‌دیر. بیرگه نظارت‌لر آپاریلیر. چوخ یاخشی گئدیر. ایندییه قدر هئچ بیر مین پروبلئمی اولماییب. اومید ائدیریک کی، تاخیل ایله باغلی حل پروسه‌سی باریش اوچون ده نمونه اولسون".



ایلگیلی‌لی خبرلر