اردوغان گۆندمی دگرلندیردی
"ارمنیستانین حادثهلری دوغرو اوخویاراق، آذربایجان و تورکیهنین صمیمی چاغریلارینا قارشیلیق وئرمهسی ایله، بؤلگهمیزین ثابیتلیگه قوووشاجاغینا اینانیرام"
جمهورباشقانی رجب طیب اردوغان، تورکیهنین فیلیسطین خالقینین و غزهلی باجی قارداشلارینین یانیندا اولدوغونو سؤیلهدی.
اردوغان آنکارادا چانکایا کؤشکونده گئچیریلهن ۱۳.جو ائلچیلر کنفرانسیندا دانیشدی.
اسرائیلین غزهده دینج وطنداشلاری هدف آلان سالدیریلارینا قارشی تورکیهنین آیدین بیر مؤوضع توتدوغونو ایفاده ائدن جمهورباشقانی اردوغان:
"اوشاقلاری، داها بلهکدهکی کؤرپهلری اؤلدورمک اوچون هئچ بیر بهانه اولابیلمز. تورکیه، فیلیسطین خالقینین و غزهلی باجی قارداشلارینین یانیندادیر" دئدی.
سوریهده یئنی بیر عملیاتین دا سیگنالینی وئرن اردوغان،
"گونئی سرحدیمیزده ۳۰ کیلومتر درینلیکده گوونلی بیر خط قورماق قراریمیز باقیدیر. سوریهده ترور هؤرگوتونون یووالاندیغی سون بؤلگهلری ده تمیزلهیهرک بو گوونلیک قورشاغینین حالقالارینی انشاالله یاخیندا بیرلشدیرهجییک" ایفادهلرینی ایشلتدی.
آذربایجان و ارمنیستان آراسیندا باش وئرهن سون حادثهلرله باغلی ایسه جمهورباشقانی اردوغان:
"ارمنیستانین حادثهلری دوغرو اوخویاراق، آذربایجان و تورکیهنین صمیمی چاغریلارینا قارشیلیق وئرمهسی ایله، بؤلگهمیزین ثابیتلیگه قوووشاجاغینا اینانیرام" ایفادهلرینی ایشلتدی.
جمهورباشقانی دوغو آغ دنیزینده طبیعی گاز چالیشمالارینا دایر:
"اؤز بؤلگهلریمیزده هئچ بیر ایشلهمه ایجازه وئرمهدیک، وئرمهیهجییک" دئدی.
ایلگیلیلی خبرلر
تورکیه نؤوبتی دفعه غزه-یه اینسانی یاردیم گؤندرهجک
تورکیه-نین غزه اوچون حاضیرلادیغی اینسانی یاردیمی داشییان 8-جی گمیسی مرسین لیمانیندان یولا دوشهجک.