مولود چاووش اوغلو: "ایسراییل-ین تجاووزونو کسکین شکیلده قیناییریق"

خاریجی ایشلر ناظیری مولود چاووش اوغلو ایسراییلین غزه و فیلیسطین‌لی‌لره قارشی تجاووزونو کسکین شکیلده قینادیق‌لارینی بیلدیریب.

1865254
مولود چاووش اوغلو: "ایسراییل-ین تجاووزونو کسکین شکیلده قیناییریق"

خاریجی ایشلر ناظیری مولود چاووش اوغلو ایسراییلین غزه و فیلیسطین‌لی‌لره قارشی تجاووزونو کسکین شکیلده قینادیق‌لارینی بیلدیریب.

خاریجی ایشلر ناظیری چاووش اوغلو پایتاخت آنکارادا کئچیریلن 13-جو سفیرلر کنفرانسیندا چیخیش ائدیب.

تورکیه-‌نین فیلیسطین مسئله‌سینه وئردیگی گوجلو دستکین داوام ائتدیگینی بیلدیرن چاووش اوغلو دئییب:

"ایسراییل-ین غزه هوجوم‌لاری و ایسراییل-‌لی فاناتیک یهودی قروپ‌لاری‌نین القصی مسجیدینه داخیل اولماق جهدلری قبول ائدیلمزدیر. بیز ایسراییلی کسکین شکیلده قیناییریق و دونن گئجه اعلان ائدیلمیش آتشکسین دایمی اولماسینی ایستییریک".

تورکیه-‌نین داها عدالت‌لی دونیا نیظامی‌نین بایراقداری اولدوغونو وورغولایان چاووش اوغلو "قلوبال ارزاق بحرانی‌نین حلی اوچون اوکراینا تاخیلی‌نین صادراتینا دایر ایستانبول سازیشی و سازیشین حیاتا کئچیریلمه‌سی کیمی اینکیشاف‌لار دیپلماسی‌میزین قلوبال نوماییشی اولدو" دئییب.

چاووش اوغلو خاریجی ایشلر ناظیری "اگر بیز تکباشینا الده ائتدیگیمیزی آوروپا بیرلیگی ایله بیرلیکده ائتسیدیک آوروپا بیرلیگی بوتون دونیادا قلوبال گوج اولاردی" دئییب و آوروپانین تهلوکه‌سیزلیگی‌نین تورکیه-‌یه احتیاجی اولدوغونو وورغولاییب.

اوکراینا بحرانی‌نین تورکیه-‌نین دگرینی بیر داها اورتایا قویدوغونا دقت چکن ناظیر چاووش اوغلو دئییب:

"تاریخین آخیشی تورکیه-‌نین دوست‌لوغونو اؤیرتدی".

عراق-داکی حادثه‌لری یاخیندان ایزله‌دیک‌لرینی وورغولایان چاووش اوغلو سؤزلرینه اونو دا علاوه ائدیب کی، بؤلوجو ترور تشکیلاتی پ.کا.کا-نین بو اؤلکه‌ده‌کی مؤوجودلوغو اوچون کونکرت ده آددیم‌لارین آتیلماسینی گؤزلییریک.

ترور تشکیلات‌لاری ایله باغلی امریکا-دان گؤزله‌نیلن دستکی آلمادیق‌لارینی وورغولایان خاریجی ایشلر ناظیری:"بیز حساب ائدیریک کی، امریکا بیزیم قانونی گؤزلنتی‌لریمیزه اویغون حرکت ائتمه‌لی‌دیر" دئییب.



ایلگیلی‌لی خبرلر