بکر بوزداغ :"سوئد و فینلاندیا-دان جاواب گوزله ییریک"
عدالت ناظیری بکر بوزداغ تورکیه-نین سوئد و فینلاندیا‌دان طلب ائتدیگی تروچولارلا باغلی جاوابین هله ده وئریلمه‌دیگینی بیلدیریب.
عدالت ناظیری بکر بوزداغ تورکیه-نین سوئد و فینلاندیا‌دان طلب ائتدیگی تروچولارلا باغلی جاوابین هله ده وئریلمه‌دیگینی بیلدیریب.
گوندمله باغلی قزئت‌لردن بیرینه آچیقلاما وئرن بکر بوزداغ سوئد و فینلاندیانین ناتو عضو‌لوگونو قبول ائدیلمه‌سی اوچون تورکیه-یه وئردیک‌لری وعدلری هله ده یئرینه یئتیرمه‌دیک‌لرینی، 33 ترورچونون اعاده طلب‌لری ایله باغلی هئچ بیر آددیم آتیلمادیغینی قئید ائدیب.
بوزداغ دئییب کی، تورکیه-نین داها اول ده عمومی‌لیکده 33 ترورچو ایله باغلی طلبی وار ایدی. بو طلب‌لرین بیر بولومونو یئنی‌لدیک، یئنی‌لرینی ده اونلارا چاتدیردیق، لاکین ایندییه‌دک هئچ بیر رسمی جاواب آلمامیشیق. اونا گؤره ده بو پروسه ده سوئد و فینلاندیا حکومت‌لرینی ایزله‌یه‌جییک. وعدلرینی یئرینه یئتیرسه‌لر، یاخشی اولور. سوئد و فینلاندیا، آلمانیا و فرانسا هم پ.کا.کا-نین، هم ده فتو-نون مسکونلاشدیغی یئرلردیر. بیر طرف‌دن پولیسین نظارتی آلتیندا بوتون فعالیت‌لرینی تهلوکه‌سیز شکیلده حیاتا کئچیرمه‌لرینه ایجازه وئریرلر. دیگر طرف‌دن، اونلار ترورچولارین جلب ائدیلمه‌سینه و تعلیم کئچمه‌لرینه گؤز یومورلار. دیگر طرف‌دن ایسه چوخ‌لو دستک، او جمله‌دن چوخ‌لو سلاح‌لار وئریرلر. سوئد و فینلاندیا حکومت‌لری ناتو-یا عضولوک ایله باغلی وئردیک‌لری وعدلری یئرینه یئتیرسه‌لر، تورکیه پروسه‌نین تاماملانماسی اوچون وعدینی یئرینه یئتیره‌رک لازیم اولان آددیمی آتا‌جاق، اما یئرینه یئتیرمه‌یه‌جک‌لری تقدیرده تورکیه لازیمی آددیمی بو مؤوضوع دا وئردیگی سؤزه یئنه عمل ائده‌جک و لازیمی آددیمی آتمایا‌جاق.
ایلگیلی‌لی خبرلر
چاووش اوغلو: "تورکیه برندینی گوجلندیرمه‌یه داوام ائدجییک"
خاریجی ایشلر ناظیری مولود چاووش اوغلو 13-جو سفیرلر کنفرانسیندا چیخیش ائدیب.
