تورکیه-دن عراقا چاغیریش
تورکیه عراقی اعتدال حرکت ائتمهیه چاغیریب.
خاریجی ایشلر ناظیرلیگی عراق-ین پایتاختی باغداد-دا باش وئرنلرله باغلی طرفلری اعتدال حرکت ائتمهیه چاغیریب.
خاریجی ایشلر ناظیرلیگیندن وئریلن آچیقلامادا باغداد-داکی حادثهلرین ناراحاتلیقلا ایزلندیگی بیلدیریلیب.
آچیقلامادا عراق-دا باش وئرن پروسه لره زمین یارادان سیاسی غیری-معینلیگین ان قیسا زاماندا آرادان قالدیریلماسی، عراق خالقینین گؤزلنتیلری اساسیندا لنگیمهدن احاتهلی و تمثیلچی حکومتین قورولماسینین تمننی ائدیلدیگی دیله گتیریلیب.
آچیقلامادا "عراق-لیلارین اؤز فیکیر و گؤزلنتیلرینی دموکراتیک یوللارلا ایفاده ائتمک حقوقونا حؤرمتله یاناشیریق. بو چرچیوده زوراکیلیقدان قاچینماغین و اجتماعی آساییشین قورونماسینا اونجه لیک وئریلمهسینین واجیبلیگینی وورغولاییریق. بوتون طرفلری ساغلام دوشونجه و تمکینله حرکت ائتمهیه چاغیریریق" ایفادهلری یئر آلیب.