اردوغان: آرتیق اؤز ویزیونونو معین ائد‌ن بیر تورکیه وار
"اؤلکه‌میز دونیانین ان گلیشمیش ۱۰ دؤولتی آراسینداکی سئچکین یئرینی آلماغا هر زامانکیندان داها یاخیندیر"
جمهورباشقانی رجب طیب اردوغان، آرتیق اؤز گؤروش آلانینی معین ائد‌ن و بو ایستیقامتده عزمله لازیم اولان آددیملاری آتان بیر تورکیه اولدوغونو سؤیله‌دی.
اردوغان باشکند آنکارادا بیر تدبیرده دانیشدی.
جمهورباشقانی، گئچمیش‌ده بو اؤلکه‌نین آیاغا قالخماسینا مانع اولانلارین کارتلارینی، صبیرلی بیر موباریزه ایله بیر بیر اللریندن آلدیقلارینی بیلدیردی.
آرتیق اؤز ویزیونونو معین ائد‌ن و بو ایستیقامتده لازیم اولان آددیملاری عزمله آتان بیر تورکیه‌نین اولدوغونو وورغولایان اردوغان:
"تحصیل‌دن ساغلیغا، گوونلیک‌دن عدالته، نقلیات‌دان انرژییه، شهرسالمادان سوسیال دستکلره قدر هر ساحه‌ده گوجلو آلت یاپی ایله هدفلرینه کیلیدلنمیش بیر تورکیه وار. کۆره‌‌سل مالی بحرانی، کۆره‌‌سل ساغلیق بحرانی، روسیا-اوکراینا ساواشی کیمی دونیادا یاشانان چتین سیناقلار تورکیه‌نین بو گوجونو داها دگرلی و معنالی حالا گتیرمیشدیر. اؤلکه‌میز دونیانین ان گلیشمیش ۱۰ دؤولتی آراسینداکی سئچکین یئرینی آلماغا هر زامانکیندان داها یاخیندیر" دئیه دانیشدی.
ایلگیلی‌لی خبرلر
هاکان فیدان هلندین باش ناظیری ایله گؤروشوب
قطرده‌کی تماسلاریندان سونرا هلنده گئدن ناظیر فیدان لاهه شهرینده مارک روته ایله گؤروشوب
